Nuuk TV-mut naqqiissut

Nuuk TV-ip Inatsisartuni ilaasortat inuussutissarsiutinik aningaasaqarnikkullu soqutigisatik tamanut saqqummiunneqartarnissaannut tunngasumik  marlunngornermi februaarip 10-anni ilanngutassiami oqaatigineqarpoq Aalisarnermut, Piniarnermut Nunalerinermullu Naalakkersuisup, Karl-Kristian Krusep, inuussutissarsiutinik aningaasaqarnikkullu soqutigisani saqqummiutissallugit soqutiginngikkai.

Ilanngutassiamilu erseqqissaatigineqarpoq Karl-Kristian Krusep qinigaaffiup siuliani piginneqatigiiffimmut KNT-mut, Kalaallit Nunaanni Tunisassiorfik, Niaqornat, ilaasortaanermigut aningaasarsiani piginnittuuninilu nalunaarutigisimagai.

Ilumoorpoq Naalakkersuisuni ilaasortaq piginneqatigiiffimmut KNT-mut ilaasortaallunilu piginneqataasimammat.

Nuuk TV-ili ilumuunngilaq nalunaarmat Karl-Kristian Krusep inuussutissarsiutinik aningaasaqarnikkullu soqutigisani avammut nalunaarutigissallugit soqutiginngimmagit. Karl-Kristian Krusimmi KNT-ip eqqartuussissuserisua decembarimili ilisimatippaa KNT-ip siulersuisuini ilaasortaajunnaarluni, tamannalu piginneqatigiiffiup decembarip 9-anni 2014 ataatsimeersuarnerani ilisimatitsissutigineqarpoq.

Nuuk TV-ip Karl-Kristian Kruse  Inuussutissarsiutinut Naalakkersuisuunerarpaa, tamannali kukkunerummat erseqqissaassutigineqassaaq Karl-Kristian Kruse Aalisarnermut, Piniarnermut Nunalerinermullu Naalakkersuisuummat.

Attavigineqarsinnavoq Jørgen Isak Olsen, pisortaq. Aalisarnermut, Piniarnermut Nunalerinermullu Naalakkersuisoqarfik.  E-mail: jio@nanoq.gl