Naalakkersuisut naggatissaanut neriupput

NunaMinerals A/S immikkut ittumik ullumi nal. 16 ataatsimeersuassaaq. Naalakkersuisut naggatissaanut neriuutigaat NunaMineralsimi siulersuisut akisussaaffimminnik tigusissasut, taamalu NunaMineralsip ingerlaannarnissaa qulakkeerlugu.

Naalakkersuisut Siulittaasuat Kim Kielsen oqarpoq:

“Naalakkersuisut piginneqataasunit NunaMinerals A/S-imut kingullertigut taarsigassiisimapput. Selskabip piffissami tulliuttumi ingerlaannarsinnaanissaa qulakkeerniarlugu Naalakkersuisut 4,5 mio. koruuninik novembarip 27-anni 2014 taarsigassarsititsiniarlutik kingullermik aalajangerput. Taarsigassiititsinermi piumasaqaatigineqarpoq selskabip ingerlariaqqinnissaanut nutaamik piviusorsiortumik pilersaarusioqqissaassasoq.

Selskabip siunissami ingerlaannarnissaa qulakkeerniarlugu Naalakkersuisut annaassinissamik pilersaarummik saqqummiipput, piginneqataasunit kisiartaallutik.

Selskabip siunissaa qulakkeerniarlugu NunaMinerals pilersaarummik saqqummiisinnaasimanngilaq. Tamanna ajornarsimarpasippoq, naak qaammatini marlunni periarfissaqarsimagaluarlutik aamma taarsigassarsititsinermut atatillugu pilersaarusiornissamut piumasaqaateqaraluartoq.

Naalakkersuisut akisussaaffimmik tigusivoq – arlaleriarluni. NunaMinerals A/S-ip siunissami ingerlaannarnissaanut siulersuisut piginneqataasullu allat akisussaaffimmik tigusinissaat tullinnguuppoq.”

 

Assit takukkit

 

Paasisaqarnerorusuttut attavigisinnaavaat Ingerlatseqatigiiffinnut Allattoqarfimmi pisortaq Rasmus Pedersen, oqarasuaat +299 34 50 00 imaluunniit e-mail rasp@nanoq.gl.