Karl-Kristian Kruse avannaani angalassaaq

Aalisarnermut, Piniarnermut Nunalerinermullu Naalakkersuisoq Finn Karlsen Ilulissanut, Uummannamut Upernavimmullu januaarip 13-iannit 21-annut angalassaaq.

Illoqarfinni tikitamini KNAPK-ip immikkoortortaasa sinnissaannik ataatsimeeqateqassaaq, soorlu aamma SQAPK-ip Ilulissani sinniisaannik aamma ataatsimeeqateqassasoq. Tikitamini innuttaasunik aamma ataatsimiititsisassalluni.

Naalakkersuisuni ilaasortap tikitamini Royal Greenlandip suliffissui aamma pulaartassavai, Ilulissani aamma Halibut Greenland pulaassallugu, kilisaataatillit aamma pulaarneqassallutik.

Aajuku aalisartunik innuttaasunillu ataatsimiititsiffissai:

Ilulissat, marlunngorneq, januaarip 13-iat

Ilulissani aalisartut innuttaasullu soqutiginnittut Katersortarfimmi ataatsimeeqatigissavai, ammasumik ataatsimiititsineq nalunaaqutaq 19.00-mit aallartissalluni. Ataatsimiinneq aalisarnermut tunngasuussalluni.

Upernavik, pingasunngorneq, januaarip 14-iat

Upernavimmi aalisartut innuttaasullu soqutiginnittut Innuttaasut Illuanni ataatsimeeqatigissavai, ammasumik ataatsimiititsineq nalunaaqutaq 16.00-mit aallartissalluni. Ataatsimiinneq aalisarnermut tunngasuussalluni.

Uummannaq, arfininngorneq, januaarip 17-iat

Uummannami  aalisartut innuttaasullu soqutiginnittut Atuarfiup aulaani  ataatsimeeqatigissavai, ammasumik ataatsimiititsineq nalunaaqutaq 19.00-mit aallartissalluni. Ataatsimiinneq aalisarnermut tunngasuussalluni.

Attavigineqarsinnaavoq Jørgen Isak Olsen, Naalakkersuisoqarfimmi pisortaq. E-mail: jio@nanoq.gl