Kalaallit Nunaat nunani tamalaani ilisimatusarnermi pitsaanerpaani

Naalakkersuisut qallunaat naalagaaffianut ilisimatitsissutigaat, Namminersorlutik Oqartussat kissaatigimmassuk issittumi ilisimatusarnermik ingerlatsiviup Kalaallit nunaata avannaarsuaniittup Zackenberg-imik suleqateqarnerup ingerlatiinnarneqarnissaa.

"Zackenberg issittumi misissueqqissaartarfiuvoq annerpaaq kiisalu imartussutsimigut misissueqqissaarnermut pilersaarusiaa pillugu kiisalu ilinniarfigineqarsinnaasumillu tunngavilersugaalluni issittumi qanoq misissueqqissaarnissamut pilersaarutit sananeqartarnerinik" taama oqaluttuarpoq ilisimatusarnermik Zackenberg-imi ingerlatsisoq, Niels Martin Schmidt.

Ilisimatusarnermik ingerlatsivik Zackenberg pigineqarpoq Namminersorlutik Oqartussanit kiisalu ingerlanneqarluni aserfallatsaaligaallunilu qallunaat naalagaaffianit Aarhus Universitet-imit. Suleqatigiinnermik isumaqatigiissutip aappaagu atorunnaartussaavoq taamaattumillu Naalakkersuisut ukioq nikitsinnagu ilisimatitsissutigisussaavaat, Kalaallit Nunaata ilisimatusarfimmik suleqateqarnini ingerlatiinnarnissaa kissaatigineraa.

Ilisimatusarnermik misissueqqissaartarfik Zackenberg naliitsuuvoq

"Suleqatigiinnermut illuatungeriit - Namminersorlutik Oqartussat, Aarhus Universitet, Pinngortitaleriffik kiisalu Asiaq - oqaatigisimavaat, ullumimut isumaqatigiissutaasup atuuttup qujamasuutigimmassuk, aammalu suleqatigiinnissap ingerlaannarnissaa kissaatigineqarmat" oqaluttuarpoq Anda Uldum nangillunilu: "Uanga tulluusimaarutigaara, inuiattut mikisunnguusutut" nunarsuarmioqatigiinni ilisimatusarnikkut siuttutut inissisimanerput.

Ilisimatusarnermik ingerlatat matoqqasuusut saniatigut misissuinermilu suliat qaavisigut, ilisimatusarnermik ingerlatsivik Zackenberg aamma tassaavoq avatangiisinut nakkutilliiviuvoq annertooq Greenland Ecosystem Monitoring. Suliassanut pilersaarutaasoq nunanit tamalaanit nalilersorneqarsimavoq. "Nalilersorneqarnera ajunngitsorujussuarmik tiguneqarsimavoq", taama oqaluttuarpoq naammagisimaarinnippaloqisoq Pinngortitaleriffiup pisortaa, Klaus Nygaard. "Suliassanut pilersaarut pingaaruteqartorujussuuvoq silaannaap allanngoriartornerata paasineqarnissaanik, Kalaallit Nunaanit pinngortitamit sunnerneqartarnera, tamannalu ilisimassallugu pingaaruteqartorujussuuvoq Namminersorlutik Oqartussat Kalaallit nunaanni pinngortitamik isumalluuteqarnerup aqunneqarneranut tunngatillugu.

Ilisimatusarneq nunarsuatta inuilaarsuani imaannaanngitsuuvoq

Ilisimatusarnermik ingerlatsineq nunarsuatta tikikkuminaannerpaaffiisa ilaanni ajornaatsuinnaanngilaq. Piareersarluarsimasariaqarlunilu pilersaarusiorluarsimasariaqarpoq minnerpaaq tikillugu. "Orsussamik nunguutsisoorutta imaluunniit sillimatissamik amigaateqaleraluarutta, imaaratarsinnaavoq ukiumi ilisimatusarsimanerit ajalusoortut" taama oqaluttuarpoq ilisimatusarnermik Zackenberg-imik ingerlatsisuusoq, Niels Martin Schmidt, erseqqissaatigalugulu:

 ”Ilisimatusarnermik ingerlatsiviusumik Zackenberg-itut ittumik ingerlataqarniarneq nunarsuatta inuilaarsuani ajornassagaluarpoq suleqatigiilluarsimanngikkaanni kiisalu ingerlatsinissamut taperneqarsimanngikkaanni". Qallunaat naalagaaffiannik suleqateqarnerup ingerlatiinnarneqarneratigut, Kalaallit Nunaat ullumikkut misissueqqissaartarfimmik pigisaqarpoq, ingerlanneqarneranulli aserfallatsaalinikkullu aningaasalersorneqarnera Danmark-imit isumagineqarluni.

 

Attavissaq: Naalakkersuisumut allatgi: Ejner Grønvold, 34 52 12