Jørgen T. Hammeken-Holm Naalakkersuisoqarfimmi pisortaagallartunngortoq

Aningaasaqarnermut Aatsitassanullu Naalakkersuisut Andreas Uldumip aalajangerpaa Aatsitassanut Naalakkersuisoqarfittaami Jørgen T. Hammeken-Holm Naalakkersuisoqarfimmi pisortaagallartunngussasoq.

Jørgen T. Hammeken-Holm Aatsitassanut Ikummatissanullu Pisortaqarfimmi, kingorna aqutsisoqarfinngortumi, ukiorpassuarni atorfeqarsimavoq.

Namminersorlutik Oqartussani assigiinngitsunik atorfeqartarsimavoq, soorlu Aatsitassanut Ikummatissanullu Pisortaqarfimmi allaffissornermut, uuliamut aamma licensinut immikkoortortaqarfinni 2003-mit pisortaasarsimalluni, 2012-imi Aatsitassanut Ikummatissanullu Aqutsisoqarfimmi pisortaagallartunngornissami tungaanut.

Aatsitassanut Ikummatissanullu Pisortaqarfimmut pitinnani aamma Ingerlatseqatigiiffinnut Allattoqarfimmiippoq fuldmægtigitut, specialkonsulentitut aamma immikkoortortami pisortatut 1998-imiit 2003 tikillugu.

Naalakkersuisoqarfimmi pisortaagallarnera 1. januar 2015-imit atuutilerpoq.

 

Paasisaqarnerorusuttut attavigisinnaavaat Peter Hansen, oqarasuaat +299 34 50 00 imaluunniit e-mail peter@nanoq.gl.