Piniarnermut allagartat pillugit nalunaarutit nutaat

Stemningsbillede

Piniarnermut allagartat pillugit nalunaarutit nutaat pillugit nalunaarut

Aalisarnermut, Piniarnermut Nunalerinermullu Naalakkersuisoqarfiup (APNN) manna tikillugu atuuttut Inuussutissarsiutigalugu piniarsinnaanermut allagartat pillugit Namminersorlutik Oqartussat nalunaarutaat nr. 18, 9. oktober 2012-imeersoq aamma Sunngiffimmi aallaaniarsinnaanermut allagartat pillugit Namminersorlutik Oqartussat nalunaarutaat nr. 17, 9. oktober 2012-imeersoq  iluarsiivigai nutarterlugillu.

Allannguutituaq tassaavoq piniarnermut allagartanut akiliutip angissusiata annertussusilerneqarnera.

Piniarnermut inuussutissarsiutigalugu piniarsinnaanermut allagartanik aamma sunngiffimmi aallaaniarsinnaanermut allagartat tunniunneqartarnerini allagartamut akitsuutip angissusia 200 koruuniniit 250 koruuninut iluarsineqarpoq, takuuk nalunaarutini nutaani taakkunani § 2 imm. 2, 2014-imut Aningaasanut Inatsit naapertorlugu.

Nalunaarutit nutaat 1. januar 2015-imi atuutilersussat tassaapput Sunngiffimmi aallaaniarsinnaanermut allagartat pillugit Namminersorlutik Oqartussat nalunaarutaat nr. 14, 30. december 2014-imeersoq aamma  Inuussutissarsiutigalugu piniarsinnaanermut allagartat pillugit Namminersorlutik Oqartussat nalunaarutaat nr. 13, 30. december 2014-imeersoq.

Piniarnermut allagartat pillugit nalunaarutini iluarsisani allassimavoq ukiumi siuliani allaffissornermut ingerlatsinermullu aningaasartuutit tunngavigalugit ukiumi qaammatisiuteqarfiusumi ataatsimi akiliutit aningaasartaasa annertussusissaat Aalisarnermut, Piniarnermut Nunalerinermullu Naalakkersuisumit aalajangersarneqartassasoq. Tunngavilersuutaavoq ukiuni siusinnerusuni allaffissornermut ingerlatsinermullu aningaasartuutiviusartut, piniarnermut allagartanik atugassanngortitsisarnermut tamatumunngalu atatillugu aningaasartuutaasartunit qaffasinnerusarsimanerat.

Naalakkersuisoqarfimmit eqqaasitsissutigeqqikkusunneqarpoq piniarnermut allagartamik qinnuteqarsinnaanermut aamma pisanik nalunaarutiginnittar-nissamut imminut sullinnermut periuseq atorlugu periarfissaqarmat www.sullissivik.gl kiisalu inuussutissarsiutit pillugit qarasaasiakkut isertarfik nutaaq http://prod.businessgreenland.gl aqqutigalugu.

 

Inuussutissarsiutigalugu piniarsinnaanermut allagartat pillugit Namminersorlutik Oqartussat nalunaarutaat nr. 13, 30.december 2014-imeersoq.

 

Sunngiffimmi aallaaniarsinnaanermut allagartat pillugit Namminersorlutik Oqartussat nalunaarutaat nr. 14, 30 december 2014-imeersoq.

 

 

Sukumiinerusumik paasissutissat uunga saaffiginninnikkut pissarsiarineqarsinnaapput: Immikkoortortami pisortaq, Amalie Jessen. +299 34 53 04