2015-imi qaqortanik qernertanillu qilalugartassat

Ukiumi pisassiiffiusumi 2015-imi nunamut tamarmut nunallu immikkoortuinut qilalukkanik qaqortanik qernertanillu pisassiissutit

Piniarnermut Naalakkersuisoq Karl-Kristian Kruse qilalukkanik qaqortanik qernertanillu ukiumi pisassiiffiusumi 2015-imi januarip aallaqqaataaniit 31. decemberimut pisassiissutit ukiunut pingasunut pilersaarut naapertorlugu aalajangersarneqareersut maliinnarneqassasut isummerpoq. Pisassiissutit aalajangerneqartarput nunat tamalaat akornanni isumaqatigiissutit, biologit siunnersuinerat, atuisut ilisimasaat kiisalu Piniarneq Pillugu Siunnersuisoqatigiinnik tusarniaasimaneq tunaartaralugit.

Ulloq 31. december 2012 Naalakkersuisuusimasut ukiunut pingasunut pilersaarut nutaaq akuerivaat.

2015-imut pisassiissutit Kitaani ukiumut pisassiiffiusumut ataatsimut qaqortat 350-ussapput qernertallu 310-ussallutik. Ukiunut pingasunut pisassiissutinut pilersaarummi akuerineqartumi Tunumut pisassiissutit ukiumut qernertat 88-iussapput. Ukiunut pingasunut pilersaarutip pitsaaqutigaa CITES aamma EU-p ataanni nunanut allanut annertunerusumik eqqussuinermik annissuinermillu kinguneqannginnissaa pakkersimaarneqarmat piniartunullu siumungaaq pilersaarusiorsinnaanermik periarfissiissalluni.

Pisassiissutit kalaallit/canadamiut qilalukkat qaqortat qernertallu illersorneqarnissaat aqutsivigineqarnissaallu pillugu Ataatsimiittartoqatigiivisa Joint Commission on Conservation and Management of Beluga and narwhal (JCNB) siunnersuinerat aamma atuisut ilisimasaasa ilanngunneqarnerisigut aalajangersarneqarput. Pisassatut aalajangerneqartut qilalukkat qaqortat qernertallu amerliartornerata piffissami 2013-2015-imut ingerlaannarsinnaanera 70 procentimik qularnaallisippaa.

Erseqqissaatigineqassaaq pisaasimasut 31. december 2014-ip kingorna inaarutaasumik naatsorsorneqartussaammata, tamatumalu kingunerisaanik 2015-imi allannguisoqarsinnaalluni. 

Ulloq 22. december 2014 Piniarnermut Naalakkersuisup 2015-imi pisassiissutit nunap immikkoortuinut agguataarneri akuerai. 2014-imi pisassiissutaasunut naleqqiullugit allan­nguu­teqanngillat.

 

Piniarsinnaanermut piumasaqaatit (www.inatsisit.gl)

Qilalukkanik qaqortanik qernertanillu piniarneq ingerlanneqartussaavoq, takujuk:

  • Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 7, 29. marts 2011-meersoq.
  • Akuersissutit siusinnerusukkut tunniunneqarsimasut tamarmik 1. januar atorunnaassapput, 2015-imullu akuersissutit nutaat annertunerusumik piniarnermit tunngasunik paasissutissartallit atorneqalissapput.

2015-imi nunap immikkoortuini pisassat imaapput:

Tabel 1: Kitaani qilalukkat qernertat aqutsiveqarfinnut agguaallugit

Aqutsiveqarfik

Pisassiissutit 2014 (+2013-imi sinnerussimasut)

2014-imi Pisat  17. decemberimi§

2015-imi Pisassiissutit

Qaanaaq

85 – ukiuni tallimani teknikkikkut pisassiissutit* (+11)

102

85 – ukiuni tallimani teknikkikkut pisassiissutit*

Savissivik

18

12

18

Upernavik

63 (+9)

101

63

Uummannaq

85

(+10)

68

85

Qeqertarsuaq

20

21

20

Ilulissat

2

2

2

Qasigiannguit

4

3

4

Aasiaat

21

18

21

Kangaatsiaq

6

6

6

Sisimiut

2

(4+3)

0

2

Maniitsoq

2

0

2

Nuuk

2 (+1)

0

2

Paamiut

Narsaq

Qaqortoq

Nanortalik

Kitaa tamakkerlugit

310 (+42)

333

310

* Qaanaaq ukiuni 5-ini tekniskimik pisassinneqarpoq qilalukkanik qernertanik 425-nik, 2014-miit 2018-mut, tamaanga qilalukkat takkuttartut amerlassusiat allanngorartorujussuusarmat. 

§ Tamanna APNN-ip 17. december 2014 immikkut nalunaarutitut tigusimasaanik tunngaveqarpoq.

Tabel 2: Tunumi qilalukkat qernertat aqutsiveqarfinnut agguaallugit

Aqutsiveqarfik

Pisassiissutit 2014 (+2013-imi pisassat sinnerussimasut)

2014-imi Pisat 17. decemberimi§

2015-imi Pisassiissutit

Ittoqqortoormiit

70 (+22)

63

70

Ammassalik

18

18

18

Tunumi tamakkerlugit

88 (+22)

81

88

§ Tamanna APNN-ip 17. december 2014 immikkut nalunaarutitut tigusimasaanik tunngaveqarpoq.


Tabel 3: Qilalukkat qaqortat Kitaani aqutsiveqarfinnut agguaallugit

Aqutsiveqarfik

2014-imi Pisassiissutit (+2013-imi sinnerussimasut)

2014-imi Pisat 17. decemberimi§

2015-imi Pisassiissutit

Qaanaaq

20 – ukiuni tallimani teknikkikkut pisassiissutit* (-3)

26

20 – ukiuni tallimani teknikkikkut pisassiissutit*

Savissivik

#

 

#

Upernavik

131 (+6)

125

131

Uummannaq

21 (+1)

20

21

Qeqertarsuaq

26 (+21)

5

26

Ilulissat

53 (+6)

47

53

Qasigiannguit

7 (+6)

1

7

Aasiaat

17 (+13)

4

17

Kangaatsiaq

28 (+24)

4

28

Sisimiut

30-4 (+17)

9

30

Maniitsoq

12+7 (6)

13

12

Nuuk

5 (+3)

2

5

Paamiut

Narsaq

Qaqortoq

Nanortalik

Katillugit

350 (100)

230

350

* Qaanaaq ukiuni 5-ini teknikkikkut qilalukkanik qaqortanik, 2014-miit 2018-mut 100-nik pisassinneqarpoq tamaanga qilalukkat takkuttartut amerlassusiat allanngorartorujussuusarmat. 

# Qaanaap aqutsiveqarfiani qaqortartassiissutinut ilaavoq.

§ Tamanna APNN-ip 17. december 2014 immikkut immersorlugit nalunaarfissanik tigusimasaanik tunngaveqarpoq.

 

Pisassiissutinit sinneruttunit nuussinerit agguaasseqqinnerillu

Pisassat sinneruttut 2014-imeersut 2015-imut nuunneqarsinnaapput. Pisassiissutinit sinne­ruttunit nuutassat eqqoqqissaarnissaat qulakkeerniarlugu Aalisarnermut, Piniarnermut Nunalerinermullu Naalakkersuisoqarfimmit (APNN) pisassiissutit sinneruttut amerlassusaat kommuninut attuumassuteqartunut 1. februar 2015-imi ilisimatitsissutigineqassapput, tamatuma kingorna kommunebestyrelsi pisassiissutinit sinneruttunik agguaassillunilu tunniussisinnaalissaaq.

Kommunalbestyrelsi 2015-imi pisassiissutit sinnerinik agguaassinissamini sunngiffimmi piniartartunut inuussutissarsiutigalugulu piniartunut pisassiinissamini procentip (%) assinga atussavaa. Takuuk Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 7, 29. marts 2011-meersumi § 11 imm. 2 malillugu sunngiffimmi piniartartut aqutsiviup qilalukkanik qaqortanik qernertanillu pisassiissutaasa 0-10 % -iisa akornanni amerlassuseqartunik kommunalbestyrelsimit pisassinneqarsinnaapput.

Pisassiissutinit sinneruttunik agguaasseqqinnermi piumasaqaataavoq piniarnermi pisat tamarmik kiseqqissaarneqartarnissaat, piniarnerup paggatassiissutigineqannginnissaa aammalu agguaasseqqinnerit pillugit APNN qanimut ilisimartinneqartassasoq. Naalakkersuisuni ilaasortaq kommunit akornanni pisarnertut agguaasseq­qittus­saa­titaavoq, kommuunillu iluminni agguaassinerat kommuninit ataasiakkaannit nammineq isumagineqartussaalluni.

 

 

 

Paasissutissat sukumiinerusut pillugit attavigiuk:

Immikkoortortami pisortaq Amalie Jessen, tlf: 34 53 04, email: amalie@nanoq.gl