Karl-Kristian Kruse aqumiunit pulaarneqarpoq

Aalisarnermut, Piniarnermut Nunalerinermullu Naalakkersuisoq, Karl-Kristian Kruse, Kalaallit Aqumiut Peqatigiiffiannit tallimanngormat pulaarneqarpoq.

Ataatsimiinnermi Karl-Kristian Krusep kalaallit aqumiunik peqatigiiffeqalersimanera nuannaarutigalugu oqaatigaa.

- Peqatigiiffik toqqaannartumik attuumassuteqarfiginngikkaluarlugu, taamaattoq peqatigiiffiup suliaanut tunngasunik soqutiginnillunga malinnaaffigisassavara, Karl-Kristian Kruse erseqqissaavoq.

Karl-Kristian Kruse Royal Greenlandimut sisamanngormat aamma pulaarpoq.

Pulaanermini erseqqissaavoq kissaatigalugu Royal Greenlandimi aqutsisut suleqatiginissaanik siunnerfeqartumik ingerlatsinissani, naatsorsuutigalugulu akuttunngitsumik ataatsimeeqatigisassallugit.

Royal Greenlandimit  2013-imi 2014-imilu angusarisimasaanik, kattuffinnik suleqateqarnera aalisakkanillu nalitusaanera pillugu ilaatigut nassuiaaffigineqarpoq.