Karl-Kristian Kruse ullumi Naalakkersuisunngorpoq

Karl-Kristian Kruse, Siumut, Aalisarnermut, Piniarnermut Nunalerinermullu Naalaakkersuisuusimasup Finn Karlsenip akisussaaffigisimasai ullumimit decembarip aqqaneq aappaannit 2014 akisussaaffigilerpai.

Akisussaaffinnik persuarsiorpalaartumik tunniussineq Aalisarnermut, Piniarnermut Nunalerinermullu Naalakkersuisoqarfimmi ullumi pivoq.

 

Karl-Kristian Kruse Niaqornaneersoq aalisartuullunilu piniartuusoq 40-nik ukioqarpoq.

Inatsisartunut qinigaaffimmi kingullermi ilaasortaasoq, Inatsisartut Aalisarnermut, Piniarnermut Nunalerinermullu Ataatsimiititaliaani ilaatigut ilaasortaavoq.

Karl-Kristian Kruse, nulianilu Lona Kruse pingasunik meeraqartut, Uummannap Kommuniata Qaasuitsullu Kommuniata kommunalbestyrelsiini ilaasortaasarsimavoq.

 

Attavigineqarsinnaasoq:

Jørgen Isak Olsen
Naalakkersuisoqarfimmi pisortaq
E-mail: jio@nanoq.gl