Isumassarsiullaqqinnerpaat toqqagaapput

Isumassarsiullaqqinneqqusaannermi ajugaasut toqqarneqarput.Sisimiuni GUX-imi 2.y Ilinniagaqarfinni taamaatiinnartarnerup akiorniarneqarnis-saanut suliniutaasinnaasunik isumassarsiornermi unammisitsinermi ajugaasuupput.

Ilinniartut taamaatiinnartarnerat annikillisarniarlugu suleqatigiissitap septembarip qaammataani nunatsinni ilinniarfinni ilinniartut isumassarsiullaqqin-neqqusaatsippai, ilinniarfiillu arfineq pingasut unammeqataapput.

Unammisitsinikkut siunertaavoq suleqatigiissitap suliniutissanut nutaanut isumassarsianik tuniorarneqarnissaa, kisiannili suleqatigiissitamut pingaaruteqarluinnarportaaq inuusuttut uniinnartarnermik ajornartorsiutaasunut pissutaasunik aaqqiissutissanillu oqallisiginninnissaat.

Siunnersuutitsialappassuit akornanni suleqatigiissitap Sisimiuni 2.y GUX-imeersut akissarsitinniarlugit toqqarpai, uniinnartarnermik ajornartorsiutaasunik sukumiisumik aaqqissuussamillu sulisimasoq.

Suleqatigiit ataatsit inuusuttut 18-inik suli ukioqalersimanngitsut sammisimavaat, siunnersuutigisimallugu ilaqutarsianiittarnissaat nammineersinnaalernissartik tikillugu.

Suleqatigiit allat uniinnartarnermut pissutaasartut eqqarsaatigalugit ajornartorsiutaasartut ikiorneqarnissamullu neqeroorutaasareersut assigiinngitsut allaaseraat. Tamakku saniatigut ilinniagaqalertussat aasaanerani pikkorissartinneqartarnissaat siunnersuutigaat, angajoqqaattaaq peqataatillugit kiisalu qallunaatut piginnaasat nukittorsarlugit, ilinniagaqartummi amerlasuut ilinniartitsinermut malinnaanissartik ajornartorsiutigisarmassuk.

Akissarsiatik 10.000 koruunit ilinniartut paasisassarsiorlutik angalanermut ilinniarfimmiluunniit aaqqissuussinernut allanut atorsinnaavaat taamaattoq nuannanniarluni aaqqissuussinernuunngitsoq.

Inussiarnersumik inuulluaqqusilluta

Med venlig hilsen 

Poul Jørgensen

Suleqatigiissitap siulittaasua