Saarullittassat 2.000 tonsinik ilaneqarput

Naalakkersuisut partiit siulittaasuinit tapersersorneqarlutik akuersissutigaat sinerissap qanittuani saarullittassat 2.000 tonsinik ilaneqassasut. 16.500 tonsinit 18.500 tonsinut ilassuteqartoqarluni.

KNAPK-p kissaatigisimavaa kitaani sinerissap qanittuani saarullinniarnissamut pisassiissutit ilaneqarnissaat. Naalakkersuisut qinnuteqaat ippassaq novembarip 26-anni oqaluuseraat.

Ilassutigineqartut aalajaatsumik aalisarnissaq qulakkeertissavaat, soorlu aamma nunami suliffissat qulakkeerneqassasut.

Sinerissap qanittuani saarullinnik aalisarnerup unitsinneqarnerani aalisarunnaarnerullu kingunerisaanik artornartorsiorfiusumi, aalisartunut kisimi attuisuunngitsumi aammali tunisassiorfinni sulisorisanut inuiaqatigiillu ataatsimut isigalugit, Naalakkersuisut 2.000 tonsinik ilasinissamik inassuteqaat akueraat.