Inersimasunut autismeqartunut najugaqarfissatut neqeroorut nutaaq

Nuna tamakkerlugu ulloq unnuarlu paaqqinniffiup Uulinerup Nuummi inersimasunut autismeqartunut najugaqarfiutigaluni katsorsaaviusup immikkoortortaa nutaaq novembarip ulluisa 25-anni atoqqaartinneqassaaq.

Inersimasunut 18-init qummut ukiulinnut, toqqissisimanartumik nalorninaatsumillu atugaqartinneqarnikkut isumaqarluartumillu ulluinnarni inuuneqarnikkut najugaqartut inuunermik nuannarisaqarnerulerfigisassaannik tunaartaqarluni neqerooruteqarnissaq immikkoortortami nutaami siunertaavoq.

Taamaattumik immikkoortortaq Qiimanermik (qiimaneq) taaguuserneqarpoq.

Inersimasunut autismeqartunut tunaartaqarluni pitsaasumillu siunissami neqerooruteqartoqalernera nuannerpoq.

Qiimaneq sullinniakkat pisariaqartitaattut ulluinnarni eqqissisimaffiusumik aaqqissugaasumillu neqerooruteqarsinnaassaaq.

Tamatumunnga peqatigitillugu najugaqartut namminneq inuunerminnut sapinngisamik sunniuteqartinneqarnissaat ineriartortitsinikkullu ulluinnarni imaqarluartumik inuuneqarnissaasa qularnaarneqarnissaa anguniagaavoq.

Qiimaneq novembarip ulluisa 25-anni nal. 14.00-15.00 Hans Egedevej 5-imi ammassaaq.

 

Paasisaqarnerujumagaanni uunga attaveqartoqarsinnaavoq:

Naja Hjersing Abelsen
Immikkoortortaqarfiup pisortaa
Ulloq unnuarlu paaqqinnittarfinnut immikkoortortaqarfik
Ilaqutariinnermut Inatsisinillu Atuutsitsinermut Naalakkersuisoqarfik
Oqarasuaat: 34 66 48
E-mail: naha@nanoq.gl