Qinigassanngortittoq kukkusumik najugaqarfiligaasoq

Qinersinermut Ataatsimiititaliap ajuusaarnaraluartumik paasivaa qinigassanngortittoq Inuit Ataqatigiinneersoq Nuka Ole Berthelsen ulloq 28. november 2014-imi Inatsisartunut qinersinermut taasivissami Nuummi najugaqartutut allanneqarsimasoq.

Nuka Ole Berthelsen Maniitsumi najugaqarpoq.

Qinersinermut Ataatsimiititaliap Allattoqarfiata qinigassanngortittunik nalunaarsuinermini aqquserngit aqqi Nuummi Maniitsumilu assigiingajattut ajuusaarnaraluartumik kukkunikkut paarlaassimavai, taamaalillunilu Nuuk qinigassanngortittup najugaqarfiatut allassimallugu.

Taamaammat qinersisartut taasinerminni ilisimassavaat qinigassanngortittoq Maniitsumi najugaqarmat. Kisianni qinigassanngortittoq inini qinersiviusuni taa-sivissanilu allagarsiussani Maniitsumi najugalittut allassimassaaq.

Qinersinermut Ataatsimiititaliap pisimasoq ajuusaarutigaa qinersinermullu inatsisip iluarsaateqqinnissaani piumasaqaatit ersarissarniarlugit taamatuttaaq najukkap paasissutissiissutigineqarnera. Pappialat taasivissat naqiterneqareerput sinerissamilu taasivissanut tamanut nassiussuunneqareerlutik.

Nuuk ulloq 20. november 2014.

Hans-Erik Bresson
Qinersinermut Ataatsimiititaliaq sinnerlugu
Qinersinermut Ataatsimiititaliap Allattoqarfia