Naligiissitaanermut Siunnersuisoqatigiit nutaassat

Maannakkut Naligiissitaanermut Siunnersuisoqatigiit atuuffiat 31. december 2014-imi naassaaq. Taamaammat ukiunut 1. januar 2015-imiit 31. december 2018-imut nutaanik Naligiissitaanermut Siunnersuisoqatigiinnik toqqaasoqassaaq.

2013-imi angutit arnallu naligiissitaanissaat pillugu Inatsisartut inatsisaat nr. 3, 29. november 2013- imeersoq akuersissutigineqarpoq.

Tassani ilaatigut allassimavoq Naalakkersuisut kattuffinnit, peqatigiiffinnit pisortalluunniit suliffeqarfiutaannit tamanna pillugu inassuteqartoqarneratigut naalakkersuinikkut arlaannaannulluunniit atanngitsumik naligiissitaanermut siunnersuisoqatigiinnik pilersitsissasut.

Maannakkut Naligiissitaanermut Siunnersuisoqatigiit atuuffiat 31. december 2014-imi naassaaq.

Taamaammat ukiunut 1. januar 2015-imiit 31. december 2018-imut nutaanik Naligiissitaanermut Siunnersuisoqatigiinnik toqqaasoqassaaq.

Inatsit malillugu Naligiissitaanermut Siunnersuisoqatigiit arfineq marlunnik ilaasortaqassapput taakkununnga Naalakkersuisut siulittaasoq ilaasortallu allat arfinillit ukunannga inassuteqartoqarneratigut toqqassallugit:

- Kattuffiit sulinermik inuussutissarsiutilinnut sulisitsisunulluunniit sullissisut

- Kattuffiit, peqatigiiffiit, pisortat suliffeqarfiutaat il.il. meeqqanik inuusuttunilluunniit imaluunniit meeqqanut inuusuttunullu sullissisut

- Kattuffiit, peqatigiiffiit, pisortat suliffeqarfiutaat il.il. ilinniartitaanermik, atuarfeqarnermik ilisimatusarnermilluunniit suliaqartut kiisalu

- Kattuffiit, peqatigiiffiit, suliffeqarfiit il.il. suiaassutsit inissisimaffiinik imaluunniit suiaassutsit ataasiakkaat soqutigisaannik pisinnaatitaaffiinillu suliaqartut

Toqqagassatut inassutigineqartut ukuninnga ilisimasaqassapput:

1) Sulisoqarnermut tunngasuni pissutsit, tamatumani aningaasarsiaqartut sulisut sulisitsisullu pisinnaatitaaffii, pisussaaffii soqutigisaallu eqqarsaatigineqarlutik.

2) Meeqqat inuusuttullu pisinnaatitaaffii soqutigisaallu, ingerlalluarnissamut, ineriartornermi, ilinniartitaanermilu atugassarititaasut ilanngullugit.

3) Suiaassutsit inooqatigiinnikkut inuiaqatigiinnilu inissisimaffii, suiaassutsit ataasiakkaat pisinnaatitaaffii, pisussaaffii soqutigisaallu ilanngullugit.

Kattuffiit, pisortat suliffeqarfiutaat il.il. suliffeqarnermik, meeqqanik inuusuttunillu, ilinniartitaanermik ilisimatusarnermillu taamatullu suiaassutsit inissisimaffiinik suliaqartut naligiissitaanermut siunnersuisoqatigiinnut toqqagassanik inassuteqarsinnaatitaapput.

Toqqagassatut inassutigineqartunut piumasaqaatigineqartutuaavoq suliassaqarfiit siuliini taaneqartut ilaannik ataatsimik arlalinnilluunniit ilisimaarinnittuussasut.

Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfiup Naligiissitaanermut Siunnersuisoqatigiinnut inassutigineqarsinnaatitaasut allattorsimaffiat suliarinikuuaa kinguliini immikkoortiterneqartoq:

Kattuffiit sulinermik inuussutissarsiutilinnut sulisitsisunulluunniit sullissisut

SIK

PIP

AK

IMAK

Kalaallit Nunaanni Akademikerit Kattuffiat

Kalaallit Nunaanni Sulisitsisut Peqatigiiffiat

NUSUKA

Kattuffiit, peqatigiiffiit, pisortat suliffeqarfiutaat il.il. meeqqanik inuusuttunilluunniit imaluunniit meeqqanut inuusuttunullu sullissisut

KANUKOKA

Kommuneqarfik Sermersooq

Kommune Kujalleq

Qeqqata Kommunia

Qaasuitsup Kommunia

Meeqqat illersuisuat

Tulararfik

Sorlak

MIBB

NAKUUSA

Foreningen Grønlandske Børn

SPS

NUIF

Inooqat

Natteravnene

Nanubørn

Kalaallit Røde Korsiat

Red Barnet Grønland

Kattuffiit, peqatigiiffiit, pisortat suliffeqarfiutaat il.il. ilinniartitaanermik, atuarfeqarnermik ilisimatusarnermilluunniit suliaqartut

KANUKOKA

Kommuneqarfik Sermersooq

Kommune Kujalleq

Qeqqata Kommunia

Qaasuitsup Kommunia

Ilimmarfik

Kattuffiit, peqatigiiffiit, suliffeqarfiit il.il. suiaassutsit inissisimaffiinik imaluunniit suiaassutsit ataasiakkaat soqutigisaannik pisinnaatitaaffiinillu suliaqartut

Arnat Peqatigiiffiisa Kattuffiat

Qimarnguiit Kattuffiat

Det Kriminalpræventive Råd

Angutit suleqatigiiffii

8. marts gruppen Nuuk

Naalakkersuisoqarfiup Kattuffiit, peqatigiiffiit, suliffeqarfiit il.il. inatsit malillugu inassuteqarsinnaatitaallutik isumaqartut, kisiannili inassutigineqarsinnaatitaasut allattorsimaffianni taaneqarsimanngitsut, kingusinnerpaamik ulloq novemberip 26-iani tamanna Naalakkersuisoqarfimmut nalunaarutigeqqullugu qinnuigissavai.

 

Annerusumik paasisaqarusukkaanni attavissaq:

Line Hasselriis, fuldmægtigi 
Toqq/direkte 345708
land@nanoq.gl

 

Assii: Angu Motzfeldt