Naqqiut

Peqatigiiffiup tapersersuisup Tasiortap 2015-imi matunissaminik nalunaaruteqarnera pillugu Sermitsiaq.ag novemberip 12-anni 2014-mi allaaserisaqarpoq. Allaaserisamit takuneqarsinnaavoq, Namminersorlutik Oqartussat siunissami annertunerusumik tapiissuteqartannginnissaannik peqatigiiffik naatsorsuuteqassanngitsoq ilisimatitsissutigineqarmat matusinissaq aalajangiunneqartoq. Taamatulli paasissutissiineq eqqortuunngilaq.

Allakkami setembarip 25-anni 2014-imeersumi Tasiorta apeqquteqaateqarpoq, peqatigiiffiup naatsorsuutigisinnaaneraa Ilaqutariinnermut Inatsisinillu Atuutitsinermut Naalakkersuisoqarfimmit 2015-imi tapiissutisinissaq naatsorsuutigisinnaanerlugu. Allakkami novembarip 30-anni 2014-imeersumik Naalakkersuisoqarfik tulliuttumik akissuteqarpoq:

”Tamanna Naalakkersuisoqarfiup akisinnaanngilaa, 2015-imut Aningaasanut Inatsimmut aningaasanik immikkoortitsinerit tapiissutinik akuersissuteqarnissamut apeqqutaammata. Tamatuma saniatigut tapiiffigitinnissamut qinnuteqaatinut tiguneqartunut atatillugu paasissutissat Ilaqutariinnermut Inatsisinillu Atuutsitsinermut Naalakkersuisoqarfiup tigusai tunuliaqutaralugit tapiissutaasinnaasut aalajangiiffigineqartarput.”

Taamaalilluni Tasiorta 2015-imut tapiiffigineqassanersoq suli isummerfigineqanngilaq, taamaassappallu qanoq annertutigisunik tapiiffigineqassanersoq isummerfigineqarani.

 

 

Annertunerusumik paasisaqarusuttut Departementschef Susie Marthin Kjeldsen attavigineqarsinnaavoq oqarasuaat 346644 e-mail: smar@nanoq.gl.