IA-p qinigassanngortitaasa tunniunneqarnerat akuerineqartoq

Qinersineq

IA-p qinigassanngortitaasa allattorsimaffia piffissaq eqqorlugu tunniunneqarsimasoq Qinersinermut Ataatsimiititaliap akueraa

Qinersinermut Ataatsimiititaliap ulloq 10. november 2014 ataatsimiinnermini akueraa IA-p qinigassanngortitaasa allattorsimaffiat piffissaq eqqorlugu tunniunneqarsimasoq.

Qinersinermut Ataatsimiititaliap aamma aalajangerpaa suliap suliarineqarnera Qinersinermut Ataatsimiititaliap internetsikkut tamanut saqqummiutissagaa, tamannalu pillugu tusagassiorfinnut nalunaaruteqassasoq. Suliap suliarineqarnera nutserneqareerpat nittartakkami takusassanngorlugu inissinneqassaaq.

 

Ilanngussaq atuaruk.

 

Qinersinermut Ataatsimiititaliaq sinnerlugu

Svend Hardenberg
Qinersinermut Ataatsimiititaliami siulittaasoq

 

Paasisaqarnerorusuttut attavisiginnaavaat Qinersinermut Ataatsimiititaliami siulittaasoq Svend Hardenberg oqa. 34 50 00.