Nuummi umiarsualiviliassamut VVM akuerineqarpoq

Nuummi umiarsualivissap sananeqarnissaanut VVM-imut nassuiaat Naalakkersuisut akueraat. Nuummi umiarsualivimmut VVM-imut nassuiaammi avatangiisini pissutsit, umiarsualivissap sananeqarnissaanut attuumassuteqartut nassuiarneqarput.

Umiarsualiviup allineqarnissaanut atatillugu avatangiisit annertuumik sunniuteqarfigineqassanngitsut VVM-imut nassuiaammi inerniliissutigineqarpoq. Nassuiaat malillugu avatangiisit, soorlu sanaartornerup nalaani nipiliornermit annikitsuinnarmik sunniuteqarfigineqassapput, nassuiaammilu avatangiisinut sunniutissat kissaataanngitsut qanoq iliorluni pinngitsoortinneqarsinnaanersut nassuiaatigineqarpoq.

VVM-imut nassuiaat Naalakkersuisunit akuersissutigineqannginnermini tamanut ammasumik tusarniaassutigineqarpoq. Maanna piumasaqaatit arlallit, avatangiisinut sunniutaanerluttussanik pinngitsuuinissamut qulakkeereqataasussat tunngavigalugit akuersissut tunniunneqarpoq.

Nuup umiarsualivianut VVM-imut nassuiaat VVM-ini, avatangiisinik innarlitsaaliuinermut inatsit nutaaq, 1. januar 2012-imi atuutilersoq nutaaq naapertorlugu suliarineqartuni akuerineqartunilu siullersaavoq.

Maannamut aatsitassarsiornermut VVM-imut nassuiaatit, aatsitassarsiornermut inatsimmi aalajangersakkat naapertorlugit suliaasarsimasut kisiisa takusarsimavavut.

Naalakkersuisut aalajangiinerat kiisalu maalaaruteqarnissamut periarfissat Namminersorlutik Oqartussat nittartagaatigut, kiisalu nuna tamakkerlugu aamma najukkami tusagassiuutitigut allagarsiissutigineqassapput.

 

Attaveqarfissaq:

Avatangiisinut immikkoortortaqarfimmi pisortaq

Mette Skarregaard Pedersen

Tlf.: (+299) 345122

Mobil: (+299) 529844