Qinersisussat allassimaffiisa saqqummitinneqarnissaat

Qinersineq

Inatsisartunut qinersisussat allassimaffiisa saqqummitinneqarnissaat pillugit.

Inatsisartunut qinersinissamut atatillugu qinersisussat allassimaffiat taasiartorfinni tamani saqqummitinneqassaaq kingusinnerpaamik sisamanngornermi 6. november aamma tallimanngornermi 7. november 2014.

Taamaalilluni qinersisartup qulakkeersinnaavaa qinersisussat allassimaffiannut ilanngunneqarsimanerluni.

Kinaluunniit isumaqartoq nammineq inuk alla pissutissaqanngitsumik allassimaffimmi ilanngunneqarsimanngitsoq imaluunniit ilanngunneqarsimasoq, qinersisussat allassimaffiata saqqumitinneqarfissaata naanerata kingorna kingusinnerpaamik ulluinnaat marluk qaangiutsinnagit kommunimi qinersinermi siulersuisunut naammagittaalliornermut pissutaasut taallugit allakkatigut naammagittaalliuuteqarsinnaavoq.

 

Nuuk ulloq 4. november 2014

 

Attaveqarfissat: Qinersinermut Ataatsimiititaliaq oqar. 34 50 00