Saarullittassat 1.500 tonsinik ilaneqarput

Naalakkersuisut partiit siulittaasuinit tapersersorneqarlutik akuersissutigaat sinerissap qanittuani saarullittassat 1.500 tonsinik ukiup naanissaata tungaanut ilaneqassasut. Taamaalilluni ukiup naanissaanut saarullinniartoqarsinnaalissaaq.

KNAPK-p kissaatigisimavaa kitaani sinerissap qanittuani saarullinniarnissamut pisassiissutit ilaneqarnissaat. Naalakkersuisut qinnuteqaat siullermeerlugu oktobarip 26-anni oqaluuseraat.

Ilassutit aalajaatsumik ukiup naanissaanut aalisarneq qulakkeertissavaat, soorlu aamma nunami suliffissat qulakkeerneqassasut.

Ukioq manna saarullittassat 15.000 tonsiusut ukiup siulianut sanilliullugit aalisapallanneqarnerupput, oktobarimi tamakkerneqarlutik.

KNAPK Aalisarneq pillugu Siunnersuisoqatigiinni ilaasortaanermigut pisassiissutinik ilasinissamik siunnersuuteqartuuvoq.

Pinngortitaleriffik isumaqarpoq pisassiissutinik 10 procentinik ilasineq saarulliit amerliartornerinut ajortumik sunniuteqarnavianngitsoq.

Saarullittassanik ilasinissaq pillugu Aalisarneq pillugu Siunnersuisoqatigiinnut tusarniaassutigineqareerpoq.

 

Attavigineqarsinnaasoq: Aalisarnermut, Piniarnermut Nunalerinermullu Naalakkersuisoqarfik, immikkoortortaqarfimmi pisortaq Emanuel Rosing. E-mail: Emanuel@nanoq.gl.