Kapisilinniarneq tallimanngorpat unitsinneqassaaq

Ukioq manna kapisilinniarneq tallimanngorpat oktobarip 31-anni nalunaaqutaq 24.00 unitsinneqassaaq.

Kapisilinniarneq unnuap qeqqanut inerteqqutaalissammat qassutit tamarmik qaqereerneqarsimassasut, Aalisarnermut, Piniarnermut Nunalerinermullu Naalakkersuisoqarfik nalunaarpoq.

Kapisilinniarneq pillugu nalunaarut naapertorlugu sunngiffimmi inuussutissarsiutigalugu aalisartut kapisilittarisimasatik Kalaallit Nunaanni Aalisarsinnaanermut Nakkutilliisoqarfimmut nalunaarutigisussaavaat.

Sunngiffimmi aalisartut pisatik Kalaallit Nunaanni Aalisarsinnaanermut Nakkutilliisoqarfimmut e-mailikkut nalunaarutigissavaat.

Naalakkersuisoqarfimmit erseqqissaassutigineqarpoq sunngiffimmi aalisartut sumi pisaqarsimanertik nalunaarsimassagaat.

Inuussutissarsiutigalugu aalisartut pisatik immersuiffikkut nalunaarutigissavaat, immersugassaq kommunini pineqarsinnaavoq www. Naalakkersuisut.gl-ikkulluunniit, aamma Kalaallit Nunaanni Aalisarsinnaanermut Nakkutilliisoqarfimmi pineqarsinnaalluni.

Kapisilimmik nalunaaqutalimmik pisaqaruit, nalunaaquttap Pinngortitaleriffimmut nassiunnissaanut periarfissaqarputit.

NASCO ukiumoortumik ataatsimiinnermini nalunaaquttanik nassiunneqarsimasunik makitsisarmat, makitaanissamut periarfissaqassaatit. NASCO 1.500 U.S. dollarinik makitaasunut akissarsititsisarpoq.

Kalaallit Nunaanni Aalisarsinnaanermut Nakkutilliisoqarfiup e-mailera: gflk@nanoq.g

Attavigineqarsinnaavoq: Mads Trolle Nedergaard, Kalaallit Nunaanni Aalisarsinnaanermut Nakkutilliisoqarfimmi pisortaq. Email: Mads@nanoq.gl