Ammassat ingerlatseqatigiiffinnut agguarneqarput

Naalakkersuisut akuersissutigaat Tunumi ammassattassiissutit Polar Pelagicimut aamma Royal Greenland Pelagicimut agguarneqassasut.

Polar Pelagic 29.390 tonsinik ammassatassinneqarpoq aamma Royal Greenland Pelagic 10.000 tonsinik ammassatassinneqarluni.

EU-mik isumaqatigiissut naapertorlugu EU Tunumi 34.600 tonsinik 2014-inimi ammassattassaqarpoq.

Aalisariutilli EU-meersut taamaallaat 10.060 aalisarsimavaat, 24.540 tonsit sinnerullutik.

Ammassat nunatsinnut 14.850 tonsit pisassiissutaapput. Taamaalilluni EU-p aalisarsimanngisai ilanngunneqarlutik 39.390 tonsit nunatsinni aalisariutinut ukioq manna agguaanneqarsinnaalerput.

Polar Pelagicip ammassat nunatsinnut pisassiissutigineqartut EU-llu aalisarsinnaanngisai ilanngullugit kisimiilluni maannamut aalisartarsimavai, ingerlatseqatigiiffik nunatsinni kisiartaalluni aalisakkanik ikeriinnarsiortumik aalisariuteqarmat.

Nunatsinni aalisariutit avaleraasartuunik, ammassassuarnik aalisakkanillu allanik ikeriinnarsiortunik aalisartalermata, aalisariutit aalisakkanik ikeriinnarsiortut amerlanerulerput, Royal Greenland taakkununnga aamma ilaalluni.

Tamakku tunngaviupput Aalisarnermut, Piniarnermut Nunalerinermullu Naalakkersuisoqarfik Polar Pelagicimit aamma Royal Greenland Pelagicimit ammassanniarnissamut qinnuteqarfigineqarmat.

 

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl, tlf: 345353