Uummannami umiatsiaararsortut qaleralinniarsinnaalerput

Stemningsbillede

Naalakkersuisut ullumi akuersissutigaat aqutsiveqarfimmi Uummannami umiatsiaararsortut qaleralinniarsinnaalissasut. Umiatsiaararsortut qaleralinniarfigilersinnaasaat tassaavoq killilimmik qaleralinniarfigineqarsinnaasoq.

Aqutsiveqarfimmi qaammammut qaleralittassiissutit naleqqussaavigineqarnerisigut qaleralinniartoqarsinnaalerpoq.

Taamaalilluni umiatsiaararsortut oktobarimi qaleralinniarsinnaalerput, naleqqussaanikkut oktobarimi pisassiissutigineqartut sinneri 368 tonsit aalisarneqarsinnaalissallutik,  novembarimi 200 tonsit decembarimilu 100 tonsit aalisarneqarsinnaassasut.

KNAPK-p naleqqussaanissamut kissaataa tunngavigalugu qaammammut qaleralittassiissutit aaqqitaapput.

 

Attavigineqarsinnaavoq:

Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl, tlf: 345353