China Mining 2014-imut peqataanngillat

Aatsitassanut nittarsaassivik China Mining Expo 2014-imut aamma aningaasaliisartunut nittarsaassivimmut Exploration Exchange China 2014-imut Aatsitassanut Ikummatissanullu Aqutsisoqarfimmit peqataasoqarnissaanut pilersaarutit Inatsisartunut qinersisoqalernera tunngavigalugu taamaatinneqarput.

Aatsitassanut nittarsaassineq China Mining Expo 2014, Kinami Tjianjinimi oktoberip 20.-anniit 23-ata tungaanut ingerlanneqarpoq aamma aningaasaliisartunut sammitinneqartoq Exploration Exchange China 2014 Beijingimi oktoberip 24.-ani 25.-anilu ingerlanneqartoq Aatsitassanut Ikummatissanullu Aqutsisoqarfimmit Namminersorlutik Oqartussalluunniit immikkoortuinit allanit peqataaffigineqassanngillat.