Apparniarneq miterniarnerlu aallartipput

Appat lomvier

Ukiakkut ukiuuneranilu miterniarneq appanniarnerlu septembarip 1-iani aamma 15-iani aallartippoq, ataani nalunaarsorneqarnerat takuuk.

Nunap Isuaniit Qeqqata Kommuniata avannamut killeqarfianut piffissat piniarfiusinnaasut imaapput:

Appa                                    15. oktober - 28/29. februar

Appa siggukitsoq                 15. oktober - 28/29. februar

Miteq siorartooq                   15. oktober - 15. marts

Miteq siorakitsoq                  15. oktober - 28/29. februar

Qeqqata Kommuniata avannamut killeqarfianiit Qaanaap aqutsiveqarfiata avannamut killeqarfianut Tunumilu:

Appa                                    1. september - 28/29. februar

Appa siggukitsoq                 1. september - 28/29. februar

Miteq siorartooq                   15. oktober - 31. marts

Miteq siorakitsoq                  15. oktober - 28/29. februar

Tamanna eqqartorneqartillugu Timmissat illersorneqarnerat piniagaanerallu pillugit nalunaarut nr. 8, 2. marts 2009-meersoq, malillugu piniarnermi maleruagassat atuuttut Piniarnermut Naalakkersuisoqarfimmiit nalunaarutigineqassapput.

Inuit inuussutissarsiutigalugu piniarnermut allagartallit ullormi aallaaniarfiusumi ataatsimi timmissanik ataatsimut katillugit 30-nik pisaqaqqusaapput.

Inuit sunngiffimmi aallaaniarsinnaanermut allagartallit ullormi aallaaniarfiusumi ataatsimi timmissanik ataatsimut katillugit tallimanik pisaqaqqusaapput.

Ulluni aallaaniarfiusuni aallaaniarfiunngitsunilu pisassiissutit pisarinngitsuukkat pissamaasiunneqarsinnaanngillat.

Pisassiisutit inuup nammineq pigisarai allanullu tunniunneqarsinnaanatik.

Timmissat illersorneqarnerat piniagaanerallu pillugit nalunaarut missingersuut tusarniutigineqassaaq. Taamaattumik tamanna pillugu malinnaanissaq pingaaruteqarpoq.

Paasissutissat sukumiinerusut uunga saaffiginninnikkut pissarsiarineqarsinnaapput Immikkoortortaqarfimmi pisortaq Amalie Jessen, amalie@nanoq.gl, tlf. 34 53 04