Uummannarmiut qaleralinniarsinnaapput

Stemningsbillede

Aqutsiveqarfik Uummannami aalisariutit meterinik arfinilinnik anginerit qalerallit aqutsiveqarfimmi pisassiissutigineqartut aatsaavissuaq tamakkerlugit aalisarpaat.

Aalisarnermut, Piniarnermut Nunalerinermullu Naalakkersuisoqarfik erseqqissaavoq aqutsiveqarfimmi killilimmik pisassiiffiusumi aalisariutit meterinik arfinilinnik anginerit ukiup sinnerani qaleralinniarsinnaanngimmata.

Aalisariutinut ukioq manna qaleralittassiissutigineqartut 2.389 tonsiupput.

Naalakkersuisoqarfik oktobarip arfineq pingajuanni nalunaarpoq aqutsiveqarfimmi Uummannami umiatsiaaraasortut aalisariutillu meterinik arfinilinnik anginerit oktobarip qulinganni kingullermik tunisisassasut, qaleralittassiissutit tamaani nungulermata.

Umiatsiaararsortut aqutsiveqarfik Uummannami novembarip aallaqqaataanit qaleralinniaqqilersinnaapput, qaammammi 374 tonsinik qaleralittassiissutaallutik.

Ilanngullugu ilisimatitsissutigineqassaaq KNAPK Naalakkersuisuugallartunut qinnuteqarmat umiatsiaaqqanut decembarimi qaleralittassiissutit ilaat oktobarimut novembarimullu nooqqullugit.

 

 

Attavigisinnaavoq Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl, tlf: 345353.