EU-p aalisartagassai isumaqatiginniutigineqarput

Namminersornerullutik Oqartussat EU-llu kommissionia aalisarneq pillugu isumaqatigiissummi aalisarneqarsinnaasutut aalajangersakkap nutarterneqarnissaa pillugu, 2016-imi januaarip aallaqqaataanit atuutilertussaq, maannakkut isumaqatiginniutigilerpaat.

Nunatta EU-mik aalisarneq pillugu suleqatigiinnissamik isumaqatigiissutaa naapertorlugu ukiumut 133 millioner koruuninik ullumikkut pisarpoq.

Nunatta EU-mik aalisarneq pillugu suleqatigiinnissamik isumaqatigiissutaa, isumaqatigiissummilu aalisarneqarsinnaasutut aalajangersagaq januaarip aallaqqaataanit 2013-imit decembarip 31-annut 2015-imut atuuttup, 2015-ip naanerani atuukkunnaartussaammat, illuatungeriit isumaqatigiissummi aalisarneqarsinnaasutut aalajangersagassaq, Nuummi septembarip 30-annit oktobarip aappaat ilanngullugu isumaqatiginniutigeqqaarpaat.

Isumaqatiginninniarnerit isumalluarnartumik ataatsimiissutigineqarput.

Nunatta EU-mik aalisarneq pillugu suleqatigiinnissamik isumaqatigiissutaa suleqatigiinnissamik isumaqatigiissutip immikkoortortaaniippoq, nunatsinni ilinniartitaanermut tapiissutitaqarluni.

Nunatta EU-mik aalisarneq pillugu suleqatigiinnissamik isumaqatigiissutaa aalisarneqarsinnaasunik aalajangersagaqarpoq.

EU pisassiissutinut akiliisarpoq kilisaataatillillu akiliisarlutik.

EU pisassiissutinut pisinnaatitaaffigilikkaminut akiliisarpoq europamilu kilisaataatillit nunatta imartaani aalisarsinnaanerminnut aamma akiliuteqartarlutik.

EU aamma nakkutilliinernut immikkut aamma akiliuteqartarpoq peqassutsimullu misissuinernut aamma akiliuteqartarluni.

Isumaqatigiinniarnermi aallartitat tassaasut nunatsinni aalisakkerisut, kattuffiit aalisarnermik sammisaqartut, aalisarnermut, piniarnermut nunalerinermullu Naalakkersuisoqarfimmeersut peqataapput, Naalakkersuisoqarfimmi immikkoortortami pisortamit Emanuel Rosingimit siulersorneqarput.

 

 

Attavigineqarsinnaavoq Jørgen Isak Olsen, Aalisarnermut, Piniarnermut Nunalerinermullu Naalakkersuisoqarfimmi pisortaq. E-mail: jio@nanoq.gl