Atuartunut unammisitsinermi Qujanaq-mi ajugaasumik toqqaaneq

Avatangiisinut Pingortitamullu Naalakkersuisoqarfiup maanna atuaqatigiit kikkut paasititsiniaanermi Qujanaq-mi 10.000 koruuninik eqquinersut saqqummiussinnaalerpaa. Ajugaasut tassaapput atuartut Qassiarsummeersut.

Unammisitsinermi ajugaasut facebook-ikkut nittartakkami Qujanaq-mi videot qulit akornanni nassaarineqarput.

Julie Berthelsen, erinarsuummik Qujanaq-mik erinarsortoq aamma isiginnaartitsisartut peqatigiiffiat NAIP, meeqqanut inuusuttunullu nuannersorpassuarnik sammisaqartitsisartoq naliliisuupput.

Julie Berthelsen ajugaasut pillugit oqarpoq:

 – Qassiarsummi atuartut pinngortitap tamatsinnut nuannaarutaasumik paasineqarnissaata pingaaruteqarneranik paasinnilluarnertik takutippaat. Video kusanartumik sanaajuvoq, uangalu inuit assigiinngitsunik ukiullit tamarmik peqataanerat tunniusimanerminnillu takutitsinerat nuannarilluinnarpara.

Aamma isiginnaartitsisartut peqatigiiffiata NAIP-p Qassiarsummit videoliaq nuannarisorujussuuaat:

 – Filmiliornerminni nassaarsiorluarsimapput, pinngortitaq alianaaqisoq avatangiisigalugu, sarsuatitallu kusanaqaat. Filmi isumagissaarnartuuvoq, aammalu ataqatigiinnerat, takutitaminnillu pimoorussinerat malugineqarsinnaavoq.

Facebook-ikkut nittartakkami Qujanaq-mi erinarsuut Qujanaq atorlugu video ajugaassutaasoq kalaallillu atuartut immiussaat tamaasa takusinnaavatit.

Unammisitsinermut tapersersuisoqarluarpoq, aammalu atuaqatigiit katillugit 26-t videonik immiussisimapput atuartullu unammititsinerannut peqataasimallutik.