Qinersinissaq Kim Kielsenip suaarutigaa

Naalakkersuisunut siulittaasuugallartoq Kim Kielsen ullumi pingasunngornermi nal. 16.45 nalunaarpoq Inatsisartunut qinersisoqassasoq. Tamanna pivoq Siumup ataatsimiittarfiata silataani tusagassiortunik katersortitsinermi.

- Inatsisartuni amerlanerussuteqarsinnaanngilagut, naalakkersuisuutitsiniaraannilu amerlanerussuteqartoqartariaqarluni. Marlunngorpat tungaanut aaqqiissutissarsiornissamik ujartuiniarsimagaluarpunga takusinnaavarali tamanna pisinnaanngitsoq. Taamaammat Inatsisartunut qinersisoqarnissaa suaarutigaara, Kim Kielsen tusagassiortunik katersortitsinermi oqarpoq.

Inatsisartut Siulittaasoqarfiat nal. 17.00 ataatsimiippoq Inatsisartut qaqugu ataatsimiissanersut pillugu, Inatsisartummi ataatsimiinneranni qinersinissamik pisortatigoortumik suaarutiginnittoqartussaammat.

Kim Kielsen tusagassiortunik katersortitsinermi oqarpoq novembarip 28-anni 2014 qinersisoqassasoq.

 

Qinersinissamik suaaruteqarneq tusaruk.