Ukiaanerani 2014-mi tuttunniarnerup umimmanniarnerullu unitsinneqarnera

Aalisarnermut, Piniarnermut Nunalerinermullu Naalakkersuisoqarfimmit (APNN) eqqaasitsissutigineqarpoq.

Ukiaanerani 2014-imi sunngiffimmi tuttunniarneq Piniarfik 1-mi (Naternaq), Piniarfik 2-mi (Sisimiut-Kangerlussuaq), Piniarfik 3-mi (Akia-Maniitsoq), Piniarfik 4-mi (Ameralik), Piniarfik 5-mi (Qeqertarsuatsiaat), Piniarfik 6-mi (Qassit), Piniarfik 7-mi (Neria), Piniarfik 8-mi (Nuussiaq) kiisalu Piniarfik 11-mi (Ivittuut) septemberip 30-iani unnuap qeqqanut unitsinneqassaaq. Ukiaanerani 2014-imi inuussutissarsiutigalugu tuttunniarneq piniarfinni taakkunani oktoberip 15-iata unnuap qeqqata tungaanut ingerlaannassaaq.

Ukiaanerani 2014-imi tammajuitsussarsiniarluni tuttunniarneq Piniarfik 1-mi (Naternaq), Piniarfik 3-mi (Akia-Maniitsoq), Piniarfik 4-mi (Ameralik), Piniarfk 5-mi (Qeqertarsuatsiaat), Piniarfik 6-mi (Qassit), Piniarfik 7-mi (Neria), Piniarfik 8-mi (Nuussuaq) kiisalu Piniarfik 11-mi (Ivittuut) oktoberip 15-iani unnuap qeqqanut unitsinneqassaaq. Ukiaanerani 2014-imi tammajuitsussarsiniarluni tuttunniarneq Piniarfik 2-mi (Sisimiut-Kangerlussuaq) oktoberip 31-iata unnuap qeqqata tungaanut ingerlaannassaaq.

Ukiaanerani 2014-imi inuussutissarsiutigalugu sunngiffimmilu umimmanniarneq Siggummi  Naternamilu kiisalu aqutsiveqarfinni Sisimiut, Maniitsoq aamma Ittoqqortoormiit oktoberip 15-iani unnuap qeqqanut unitsinneqassaaq. Ivittuuni sunngiffimmi umimmanniarneq aamma oktoberip 15-iani unnuap qeqqanut unitsinneqassaaq kisianni inuussutissarsiutigalugu umimmanniartartunut oktoberip aallaqqaataani aatsaat aallartissalluni tassanilu Nuuk/Paamiut-neersunut novemberip 14-iani unnuap qeqqanut unitsinneqassaaq Arsuk-meersunullu novemberip 30-iani unnuap qeqqanut unitsinneqassalluni.

Ukiaanerani 2014-imi tammajuitsussarsiniarluni umimmanniarneq umimmaqatigiit tamarmik eqqarsaatigalugit oktoberip 15-iani unnuap qeqqanut  unitsinneqassaaq.

Inuussutissarsiutigalugu piniartut sunngiffimmilu aallaniartartut tamarmik pisussaaffigaat akuersissutitik pisanik nalunaarfissat immersoreerlugit kommunip allaffianut piffissap piniarfissap naammassereernerata kingusinnerpaamik ullut 14-it kingorna utertissallugit.

Neriuppugut tamassi piniarluarsimassasusi.

Nunap immikkoortuini piniarfissat pisassiissutillu pillugit ilanngussat 1-4 takukkit.

 

Paasisaqarnerorusuttut attavigisinnaavaat immikkoortortaqarfimmi pisortaq Amalie Jessen, oqa. 34 53 04, imalt. E-mail: amalie@nanoq.gl.