Heinz Ketchupip nioqqutissatut sananeqaataata danskisut nassuiarneqarsimannginnera

Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik Heinz Ketchupip nioqqutissatut sananeqaataata danskisut nassuarneqarsimannginnera pillugu Danmarkimi Fødevarestyrelsimit mianersoqqussummik tigusaqarsimavoq.

Suliffeqarfik Valora Trade Denmark A/S-ip Heinz Ketchup tuniniaqqujunnaarpaa, nioqqutissaq sapigaqartut sapersinnaasaannik sellerimik akoqarmat danskisullu nioqqutissap sananeqaataanut nassuiaatitaqarani.

Nerisassaq suna:

Heinz Ketchup 700 g
Piusinnaassusia kingulleq 01.08.2015
Lot nr. 35255781

Sumi nioqqutigineqarpa:

Nioqqutissaq distributør Arctic Import A/S-imit uunga tunineqarsimavoq:

Butik Natalie, Nuussuaq
ICM, Ilullissat
Rerma, Uummannaq
Mia, Qasigiannguit
Sumik, Narsaq

Suliffeqarfik tuniniaaqqusiunnaarnissamik nalunaaruteqartoq:

Valora Trade Denmark A/S, Transformervej 16, 2730 Herlev

Pissutaasoq:

Nioqqutissaq danskisut nassuiaatitaqanngilaq.

Ulorianaat:

Nioqqutissaq sellerinik sapigalinnit saperneqarsinnaasumik akoqarmat inuit sellerinik sapigallit ketchupitorunik sapigalittut ersiutinik saqqummertoorsinnaapput.

Atuisartunut siunnersuutit:

Pisiaq iginneqassaaq imaluunniit pisiniarfimmut pisiffigisamut utertinneqassalluni.