Ukioq manna avaleraasartoorniarneq qaangiuppoq

Avaleraasartuut ukioq manna pisarineqartut 77.997.656 kiiluupput.

Kalaallit Nunaanni Aalisarsinnaanermut Nakkutilliisoqarfik marlunngornermi septembarip 23-anni nalunaarpoq aalisariutit misileraalluni avaleraasartoorniarnissamut akuersissutillit Tunumi avaleraasartoorniarfigisartik qimassimagaat, misileraanertik taamaatillugu.

Nakkutilliisoqarfik erseqqissaavoq aalisariutit aalisarnerminni nalunaarsuivii pineqarsimaleriarpata avaleraasartuut qasserpiaat pisarineqarsimasut erseqqinnerulerumaartoq.

Nunatta oqaluttuarisaanerani imartatsinni avaleraasartuunik aatsaat taama amerlatigisunik pisaqartoqarpoq.

Aalisariutit 18-nit 20-nut amerlassusillit misileraalluni juunip 13-iannit avaleraasartoorniaqataapput, misileraassutigineqartut 100.000 tonsiullutik.

Tunup imartaani avaleraasartuut siorna 53.000 tonsit pisarineqarput.

 

Attavigineqarsinnaavoq: Ludvig Siegstad, paasissutissiisartoq, Aalisarnermut, Pinianermut Nunalerinermullu Naalakkersuisoqarfik. E-mail: lusi@nanoq.gl