Umiatsiaaqqamik qaleralinniarneq unitsinneqassaaq

Aqutsiveqarfinni Uummannami Qeqertarsuullu Tunuani sinerissap qanittuani umiatsiaaqqamik qaleralinniarneq unitsinneqassaaq.

Aqutsiveqarfinnut Uummannamut Qeqertarsuullu Tunuanut umiatsiaaqqanut qaleralittassiissutigineqartut nungulermata, tamaani umiatsiaaqqamik qaleralinniarneq pingasunngornermi septembarip 24-anni aamma sisamanngornermi septembarip 25-anni unitsinneqassaaq.

Nalunaarutaat naapertorlugu umiatsiaaqqat qaleralittaat pisassiissutinut ilaanngillat. Nunap assinga takujuk.

Aalisariutit meterinik arfinilinnik anginerit aqutsiveqarfinni Upernavik, Uummannaq aamma Qeqertarsuup Tunuani, qaleralinniarsinnaanermut akuersissuteqartut, qaleralinniarnertik ingerlatiinnassavaat.

Aqutsiveqarfik Uummannami umiatsiaararsortut oktobarimi qaleralittassaat 374 tonsiupput, aqutsiveqarfimmi umiatsiaararsortut 280 tonsinik qaleralittassaqartut.

Attavigineqarsinnaavoq: Niels J. Laursen, pisortap tullia, Kalaallit Nunaanni Aalisarsinnaanermut Akuersissutinik Nakkutilliisoqarfik, Oqa. +299 34 50 00, E-mail: nijl@nanoq.gl

Disko