Aningaasaqarnermut Siunnersuisoqatigiit nalunaarutaat 2014 saqqummerpoq

Aningaasaqarnermut Siunnersuisoqatigiit nalunaarutaat 2014 ataasinngornermi septembarip 22-anni ualikkut tusagassiortunik katersortitsinermi saqqummiunneqarpoq.

Nalunaarusiaq uani atuarneqarsinnaavoq

Aningaasaqarnermut Siunnersuisoqatigiit akit qaffasissusiisa nikerarnerat pisortallu aningaasaqarnerisa napatinneqarsinnaassusia ukiut tamaasa naliliiffigisarpaat. Tamatuma saniatigut 2014-imut nalunaarusiami ineqarneq iummikkut sammineqartoq erseqqissaavigineqassaaq.

Aningaasaqarnermut Siunnersuisoqatigiit 2009-mi Naalakkersuisunit pilersinneqarpoq mannalu siunnersuisoqatigiit nalunaarusiaasa tallimassaraat.

Aningaasarsiornermut Siunnersuisoqatigiit siulitaassuuffimmit arfinilinnik inuttaqartumit aqunneqarput. Siulersuisut ukunannga inuttaqarput: Siulittaasoq Torben M. Andersen, Aarhus Universitetiani professori, Siulittaasup tullia Ulla Lynge, Sermersuumi Inuussutissarsiornermut Siunnersuisoqatigiinni pisortaq, Anders Møller Christensen, Nationalbanken-imiit, Tønnes Berthelsen, KNAPK-miit, Søren Bjerregaard, Danmarkimi Aningaasaqarnermut aamma Nunamut Namminermut Ministereqarfik kiisalu Anders Blaaberg, Kalaallit Nunaanni Naatsorsueqqissaartarfik.

Siulersuisut saniatigut Aningaasaqarnermut Siunnersuisoqatigiit soqutigisaqaqatigiiffinnit, Naalakkersuisut allaffissornikkut aqutsisuinit aamma ilisimatusarnermut suliffeqarfinnit ilaasortaaffigineqarput. Ilaasortat, kattuffinnit aamma ilisimatusarnermik suliffeqarfinneersut amma ilisimatusarnermik suliffeqarfinnit pineqartunit toqqarneqartarput.

Ilaasortat sinneri Naalakkersuisunit toqqarneqartarput. Siunnersuisoqatigiinni ilaasortat nalunaarusiap imaanut oqaaseqaateqarsinnaapput, kisianni siulittaasoqarfimmi ilaasortat kisimiillutik nalunaarusiap imassavianut akisussaasuupput.

Paasissutissat sukumiinerusut uani atuakkit: http://naalakkersuisut.gl/or