Japanimi inuussutissarsiutinik saqqummersitsineq

2014-imi decembarimi Naalakkersuisut Japanimi inuussutissarsiornermik siuarsaanermik pisoqarfinnik ingerlatsissapput.

Naalakkersuisut siulittaasuata pisortatigoortumik tikeraarneranut atatillugu Naalakkersuisut 3.-6. december 2014-imi Japanimut tikeraassapput. Tikeraarnerup nalaani ilaatigut kulturikkut pisoqarfiit arlallit ingerlanneqassapput, kiisalu inuussutissarsiornermik siuarsaaffittut workshoppit ingerlanneqassallutik, aatsitassarsiorneq, takornariartitsineq, puisit amii aamma aalisarneq taakkunani sammineqassallutik.

Saqqummersitsinerit inuussutissarsiorfittut suliaqarfiit pineqartut ineriartortinnissaannut japanimiunit aningaasaliinernik suleqatigisassanillu kajungersaanissamut periarfissatut isigineqarput.

Suliaqarfiusuni pisoqarfiit:
Takornariartitsinermik pisoqarfik – sisamanngorneq 4. december, nal. 10:00-13:00 (Palace Hotel)
Aatsitassarsiornermik pisoqarfik – sisamanngorneq 4. december, nal. 10:00-13:00 (Palace Hotel)
Seafood-seminar – tallimanngorneq 5. december, nal. 12:10-14:30 (Hillside Banquet)
Puisit amiinik ilusilersuisarnermillu pisoqarfik – arfininngorneq 6. December, nal. 10:00-11:45 (Mode Gakuen)

Kulturikkut pisoqarfiit:
Kalaallit Nunaat pillugu saqqummersitsinerup ammarneqarnera
Kalaallinit tikilluaqqusilluni ilassinninneq
Tusarnaartitsineq, Nanook aamma Nive Nielsen & The Deer Children nipilersortoralugit

Japanimi niuerfiusumi tunisassanik piffissamut ungasissumut tunisinerup nukittorsarnissaa siunertaralugu qulaani pineqartutut suliaqarfiusuni saqqummiiffiusut iluini namminersortutut suliffeqarfinnit arlalinnit peqataasoqassaaq.

Kalaallit Nunaanni suliffeqarfiit avammut tunisinermik periarfissaannik tapersersuutissatut agguaassassannik Naalakkersuisut 2014-imut Aningaasanut Inatsimmi immikkoortitsisimapput. Agguaassassat niuerfissanik nutaanik ujartuinermik ineriartortitaqarnermillu siunertaqarluni qinnuteqarfiusinnaapput. Tapiissutit ilaatigut handelskammerini ambassadinilu il.il. siunnersuinernut tunniunneqartarput. Taamaalillutik decembarimut Japanimi inuussutissarsiutinik siuarsaanermut atatillugu peqataanissamut nunatsinnit suliffeqarfiit 50.000 kr.-t tikillugit qinnuteqarnissamut periarfissaqarput. 2014-imi agguaassassat tamakkiisut 800.000 kr.-upput.

Qinnuteqaat suliniummut isumassarsiarisap nassuiarneranik imaqassaaq, kiisalu tapiissutaasumik naatsorsuutigisatut pissarsiarisassamik. Tapiissutit Greenland Business A/S-imut qinnuteqaataallunilu tassannga tunniunneqartarpoq – www.holding.gl

 

Annertunerusumik paasissutissarsiornermi attavigiuk
Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmi Immikkoortoqarfimmi pisortaq Tina Jensen
E-mail:
tjen@nanoq.gl, oqarasuaat +299 54 78 67