Sisimiuni innarluutillit pillugit ataatsimeersuarneq

Ilaqutariinnermut Inatsisinillu Atuutsitsinermut Naalakkersuisoqarfiup innarluutilinnut tun-ngasut Nuna Tamakkerlugu Innarluutilinnut Sullissivimmut soqutiginnittunut 8. aamma 9. september isumasioqatigiisitsinikkut sammilerpai.

Nuna tamakkerlugu innarluutilinnut sullissivimmik, siunnersuinerup, ilitsersuinerup, pik-korissartitsinerup maanna IPIS-imit isumagineqartup saniatigut meeqqat inuusuttullu an-nertuumik innarluutillit nammineersinnaanerulernissamut sungiusarnissamik neqerooru-teqarfiusumik pilersitsinermik Naalakkersuisoqarfiup suliaqarnera pillugu oqaluttuarnis-saq isumasioqatigiinnermi siunertaavoq.
Innarluutilinnut Sullissivimmik ineriartortitsinermik pilersitsinermillu suliaqarnermi innar-luutillit kattuffiisa, kommunit, ulloq unnuarlu paaqqinniffiit soqutiginnittullu allat siusissuk-kut ilanngutsinneqarnissaat Naalakkersuisup pingaartippaa.

Peqataasut pilersaarummut soqutiginnittorujussuupput, apeqquteqartarlutik, kiisalu pi-tsaasunik siunnersuuterpassuaqarlutillu oqaaseqaaterpassuaqarlutik. Sungiusaasaria-qarneq soqutiginnittullu innarluutilinnut sullissivimmut tunngatillugu inissisimanerat siu-nissamilu akuusinnaanerat eqqartorneqarpoq.

Innarluutilinnut Sullissivimmik aallussinerujussuaq soqutiginninnerujussuarlu Ilaqutariin-nermut Inatsisinillu Atuutsitsinermut Naalakkersuisoqarfiup nuannaarutigeqaa.

Annerusumik paasisaqarumalluni attavigineqarsinnaapput: AC-fuldmægtigi Cecilie Rudbeck, E-mail: ceru@nanoq.gl