Nerlernamik piniarneq

2013-imi Timmissat illersorneqarnerat piniagaanerallu pillugit Namminersornerullutik Oqartussat nalunaarutaat nr. 8, 2. marts 2009-meersumi kukkunermik nassaartoqarpoq.

Nalunaarummi qulaani taaneqartumi § 6 naapertorlugu nerlernaq = knortegås (Branta bernicla) piffissaq piniarfiusoq 1. septemberimiit 30. april-imut aalajangersagaavoq aamma Ittoqqortoormiit 1. septemberimiit  majip 31-anut piniagaalluni.

Tamanna kukkuneruvoq timmiarlu taaneqartoq tassaasussaagaluarluni nerlernarnaq = bramgås (Branta leucopsis). Nerlernaq = knortegås (Branta bernicla) Kalaallit Nunaanni tamarmi eqqissisimatitaalluinnarpoq.

 

Ukioq manna aamma kukkuneq tamanna kikkunnut tamanut erseqqissaatigeqqissavarput.

Nerlernaq eqqissisimatitaalluinnarpoq piniaqqusaananilu.

Tamatuma saniatigut ilisimatitsissutigissavarput, timmissat pillugit nalunaarut nutarterlugu maannakkut APNN-ip ingerlammagu, taannalu 2015-ip aallartinnerani atuutilersinneqassaaq.  

Timmissat sorliit piniarneqarsinnaanersut ajornannginnerusumik ataatsimut isigalugu takujuminarnerulernissaat APNN-ip sulissutigaa, kiisalu timmissanit sorlernit mannissartoqarsinnaanersoq.

 

 

Annerusumik paasisaqarumalluni attavigineqarsinnaapput: Sofie A. Erbs-Maibing, AC-Fuldmægtigi, Toqq/direkte 345350, E-mail: saem@nanoq.gl