Kapisillit fabrikkinut tuneqqusaajunnaarput

Kapisillit fabrikkinut tunineqartussatut pisassiissutigineqartut 30 tonsit tunineqalereersimammata, tunisineq septembarip 17-ianni 2014 unitsinneqassaaq.

Kapisillit nammineq pissatut aalisarneqarsinnaapput inuussutissarsiutitullu oktobarip 31-annut 2014 aalisarneqarsinnaallutik.

Sunngiffimmi inuussutissarsiutigalugulu kapisilittarineqartut kapisilinniarneq pillugu nalunaarut naapertorlugu Kalaallit Nunaanni Aalisarsinnaanermut Nakkutilliisoqarfimmut nalunaarutigineqartussaapput.

Inuussutissarsiutigalugu kapisilittarineqartut ullut tamaasa nalunaarutigineqartussaapput, sunngiffimmi pisarineqartut pisarineqarnerinit kingusinnerpaamik aqaguani nalunaarutigineqassallutik. Nalunaarfissaq kommunip allaffiini pineqarsinnaavoq uungaluunniit allalluni GFLK@nanoq.gl pineqarsinnaalluni.


Annerusumik paasisaqarusuttoqarpat uunga saaffiginnittoqarsinnaavoq: Niels J. Laursen, pisortap tullia, Kalaallit Nunaanni Aalisarsinnaanermut Akuersissutinik Nakkutilliisoqarfik, tlf. nr. +299 34 50 00, email: nijl@nanoq.gl