Kommuneqarfik Sermersooq-p 2014-mut naatsorsuutitigut amigartoorutissai pillugu

Martha pressemoede 110613

Kommuneqarfik Sermersooq-mi Aningaasaqarnermut Pisortap Lars Møller-Sørensen-ip ulloq 12. september KNR-imut oqaaseqarnermini oqariartuutigivaa Kommuneqarfik Sermersooq 2014-mi 45 mio.kr.-ninik amigartooruteqassasoq, tamatumanilu ilaatigut patsisaatillugu namminersornerusut innarluutillit angerlarsimaffiini akigitinneqartunik qaf-faasimaneranik.

Tamanna toqqammavigalugu Ilaqutariinnermut Inatsisinillu Atuutitsinermut Naalakkersuisuni ilaasortaq Martha Lund Olsen-i imatut oqariartuuteqarpoq:

”Kommuneqarfik Sermersooq-ip oqariartuutigisaa tupigusuutiginngitsuunngilara, tassami najugaqartitsinermut akit allanngortinneqarnerat kisiat teknikkikkut aaqqiinerinnaassimammat, taamatullu iliorsimaneq kommunit kissaataat toqqammavigalugit pisimalluni, Aammattaaq nutaamik aaqqissuussinermut tunngatillugu Kommuneqarfik Sermersooq suleqatigiissitami suleqataasimavoq.

Aaqqissuusseqqinneq aallaavigalugu kommuniniit koruuni ataasiinnarluunniit nutaamik aaneqarsimanngilaq, tassami isumaqatigiissutip 7. november 2013-mi atsioqatigiissutigineqarneratigut aaqqissuusseqqinnikkut siunertarineqarsimammat innarluutillit angerlarsimaffiinut akiliuteqartarnermi teknikkikkut aaqqiissuteqarnissaq.”

Attaveqarfissaq: Immikkoortortaqarfimmi Pisortaq Lene Rohmann Hansen, Email: lrh@nanoq.gl