Angusatsialaavoq

Naalakkersuisut Siulittaasuata Aleqa Hammondip Arfanniarnermut Ataatsimiititaliarsuup (IWC) nunatsinnut arfattasseeqqinnera nuannaarutigaa.

- Angusatsialaavoq, Danmarkip Nunattalu suleqatigiillutik sulilluarsimanerannik akuersaartoq. IWC-mi angusatta takutippaa Danmarkip Nunattalu suleqatigiinnerisigut angusaqarluarsinnaasugut.

- Arfanniarneq nunatsinni aningaarsarsiornermut kulturitsinnullu pingaaruteqartorujussuuvoq, tamannalu IWC-mi paasineqarnissaata qulakkeerneqarsimanera pingaaruteqarpoq. Nuannaarutigaara Danmarkimik tapersersorneqarluta soqutigisatta nassuiarneqarneranni angusaqarluarsimagatta, Aleqa Hammond oqarpoq.

Tusagassiorfinnut nalunaarut "IWC-p arfattassiissutit akuersissutigai" uani atuarsinnaavat.