Aqutsiveqarfiit nutaanik malittarisassaqalissapput

Stemningsbillede

Naalakkersuisut aalajangeqqammerpaat aqutsiveqarfinnut Upernavimmut, Uummannamut aamma Qeqertarsuup Tunuanut killeqarfiit allanngortinneqassasut.

Nalunaarummi allannguutit ataasinngorpat septembarip 15-ianni 2014 atuutilissapput.

Umiatsiaaqqanut aalisariutinullu meterinik 6-nik anginernut malittarisassat allanngortinneqassapput.

Nalunaarut nutaaq naapertorlugu aqutsiveqarfinni Qeqertarsuup Tunuani, Uummannami aamma Upernavimmi aalisarsinnaanissamut suli akuersissuteqartariaqarpoq. Allannguut akuersissuteqareertunut sunniuteqassanngilaq, soorlu aamma akuersissutinik nutaanik pisoqassanngitsoq.

Malittarisassat nutaat naapertorlugit aqutsiveqarfioreersuni pisassiissutaasimasut ilanngarnagit aalisartoqarsinnaalissaaq. Nuna assinga takujuk.

Ilulissat Kangiani pisassiissutaasut ilanngarnagit aalisartoqarsinnaalissaaq, taakku qimussimik aatsaat qaleralittarineqarsimappata assartorneqarsimappataluunniit.

Aalisarnermut, Piniarnermut Nunalerinermullu Naalakkersuisoqarfik erseqqissaavoq pingaaruteqarluinnartoq qaleralittarineqartut tamaasa nalunaarsorneqartassammata, nunap assingani sumi pisarineqarsimaneri nalunaaqutserneqartassallutik.

Pisassiiffiusumi pisarineqarsimanersut avataaniluunniit pisarineqarsimaneri nalunaaqutserneqartassallutik.

Aqutsiveqarfiit killeqarfiisa allanngortinneqarnerinut allaaserisaq una atuarneqarsinnaavoq.

Paasisaqarnerorusuttut attavigisinnaavaat Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl, tlf: 34 53 53.