Naalakkersuisut Michael Binzerip suliaanut naammassisimasaanut qujassuteqarfigaat

Naalakkersuisut ilisimatinneqarput TELE Greenland A/S-imi pisortaaneq Michael Binzerip atorfimminit soraarniuteqarluni aalajangerneranik.

Ilisimatitsissut tamanna Naalakkersuisut ajuusaarutigisorujussuuaat.

Michael Binzerimi selskabimi annertuumik ilaatigut unammillerneqarnerunermik inuiaqatigiinnullu iluaqutaasumik attaveqatigiinnerup annertusarneqarneranik aqqusaagaqarnerani annertuumik allanngortitereqataasimavoq.

Naalakkersuisut siulittaasuat Aleqa Hammond oqarpoq: ”Michael Binzerip tunniusimalluni angusaanut qujaffigerusupparput, selskabimmi pitsaasumik ineriartorneranut suleqataasimavoq siunissamilu angusaqarluarnissaanik kissaapparput.”

Michael Binzer TELE Greenland A/S-imi 1. april 2013-imi pisortaaninngorpoq. Sioqqullugu Air Greenland A/S-imi ukiuni tallimani pisortaanerusimavoq.

”Selskabimi ineriartupiloorfiusumi, innuttaasut ulluinnarni inuunerannut sunniuteqartorujussuarmik suliaqarfiusumi, nutaamik piginnaasalimmik pisortassarsiornissamik siulersuisut annertuumik maanna suliassaqarput. Suliassap tamanna siulersuisunit naammassineqarsinnaanera Naalakkersuisut qularutiginngilaat, neriuutigaallu TELE Greenland A/S-ip siunissami unamminartunik aqqusaagaqarnissaanut aalajaatsumik suliarinnissinnaasumik pisortassarsiumaartut,” Aleqa Hammond oqarpoq.