Kapisilinniarnermi qassutit eqqortut atorneqartussaapput

Kalaallit Nunaanni Aalisarsinnaanermut Nakkutilliisoqarfimmeersut kapisilinniarnermi qassutit assigiinngitsut atorneqartut naammattoorneqartarmata, erseqqissaassuteqarpoq qassutit kapisilinniutit atorneqartussaammata, soorlu nalunaarummi taama pisussaaffiliisoqartoq.

Namminersorlutik Oqartussat kapisilinniarnermut nalunaarutaat naapertorlugu kikkut tamarmik kapisilinniarsinnaapput, inuussutissarsiutigalugu aalisartut sunngiffimminilu aamma aalisartut kapisilinniarsinnaallutik.

Kalaallit Nunaanni Aalisarsinnaanermut Naalakkersuisoqarfik erseqqissaavoq inuussutissarsiutigalugu kapisilinniarnermi sunngiffimmilu kapisilinniarnermi qarsorsat qassutillu kisiisa atoqqusaammata, qassutit nigartaat minnerpaamik 140 milimeteriussallutik.

Inuussutissarsiutigalugu kapisilinniarnermi qassutit tissukartittakkat atorneqarsinnaapput, taamaattorli atuinermi ataatsimi amerlanerpaamik uiguleriit 20-t atorneqarsinnaallutik.

Aamma erseqqissaassutigineqarpoq qassutit kapisilinniutit atorneqartut tamarmik piginnittup aqqanik imaluunniit taassuma angallataata normuanik nalunaaqutsersugaassammata. Naqinnerit nalunaaqutsiutigineqartut allanngujaatsuussallutik.

Qassutit nalunaaqutserneqarsimanngitsut Kalaallit Nunaanni Aalisarsinnaanermut Nakkutilliisoqarfimmeersunit peerneqarsinnaapput politiinullu tunniunneqarlutik.

Kapisilinniarneq oktobarip 31-anni unissaaq. Attavigineqarsinnaavoq: Mads Trolle Nedergaard, Kalaallit Nunaanni Aalisarsinnaanermut Nakkutilliisoqarfimmi pisortaq. Email: Mads@nanoq.gl