Nakorsiarniarluni inniminniiniarneq sivikillissaaq

Nuummi Dronning Ingridip Peqqissaaviani oqarasuaatikkut nakorsamut attaveqarsinnaanerup pilersaarutaasutut minutsinik 15-inik sivikillineqarneragut, tulleriiaarinermi nakorsat nakorsiartitsinermut piffissaannik pingaarnerutitsineq, nakorsianut iluaqutaanerusussaassaaq.

Aasap ingerlanerani oqarasuaatikkut nakorsamik oqaluussinissamut pitsaanerusumik Nuummi innuttaasut peqqissaavimmit periarfissinneqarput. Nal. 8 - 15- imiit 9.00 - ip tungaanut sianertut tamarmik nakorsamik oqaluussaqartarput. Utaqqisut amerlasaqaat utaqqisullu suli tamakkerneqanngitsut piffissaq killiliussaq qaangerneqartarluni. Pitsannguutaasut tassaapput ataasiaannarluni sianertariaqartarneq utaqqinerullu akeqannginnera.

Allannguutaasussaq

Siunissamissaaq innuttaasut utaqqilussinnartassanngillat. Utaqqisut tamarmik kiffartuunneqassapput. Piffissaq sianerfissaq minutsinik 15 - inik sivikillineqassaaq. 

Ataasinngorneq septembarip arfineq pingajuaniit 2014 nal. 8.15 - ip 8.45 - illu akornanni sianertoqarsinnaalissaaq.

Allannguummut tunuliaqutaasoq

Nakorsat pisariaqartitsineq naapertorlugu nakorsiartitsinissanik neqerorsinnaajuarnissaat, oqarasuaatikkut nakorsamik oqaluussiniarnermi piffissamik allannguinermi qulakkeerniarneqarpoq. Innuttaasut peqqissutsimikkut ajornartorsiuteqarlutik sianertut, oqarasuaatikkut oqaloqatigineqarnerup saniatigut takkullutik nakorsiarnissaq pisariaqartikkaat, aasaanerani misilittakkat takutippaat.

 

Paasissutissat allat uku arlaat attavigalugu pissarsiarineqarsinnaapput:

Nunap immikkoortuani peqqinnissaqarfimmi nakorsat pisortaat Jesper Olesen: jeol@peqqik.gl

Nunap immikkoortuani peqqinnissaqarfimmi peqqissaasut pisortaat Lene Skriver: lesk@peqqik.gl