Inuusuttunut autismeqartunut najugaqarfissatut neqeroorut nutaaq

Nuna tamakkerlugu ulloq unnuarlu paaqqinnittarfiup Uulinerup immikkoortortaa nutaaq Nuummi inuusuttunut autismeqartunut najugaqarfiusussaq katsorsaaviusussarlu Ilaqutariinnermut Naalakkersuisup Martha Lund Olsenip septembarip ulluisa aappaanni atoqqaartissavaa.

Inuusuttunut 16-init 24-nut ukiulinnut ungasinnerusoq eqqarsaatigalugu "ulluminnit tinginissamut" piareerlutik imminnut ikiorsinnaanngortinneqarsinnaasunut neqerooruteqarnissaq immikkoortortami nutaami siunertaavoq”.

Taamaattumik immikkoortortaq Suluppalummik (Suluppaluk) atserneqarpoq.

”Inuusuttut autismeqartut siunissami toraagaqarfiusumik naleqquttumillu neqeroorfigisinnaagatsigit nuannaarutigaara. Suluppalummi inuusuttunut pisariaqartitamittut ulluinnarni eqqissisimanartumik aalajangersimasumillu atugaqartinneqarsinnaassapput.

Tamatumunnga peqatigitillugu inuusuttut namminneq inuunerminnut sapinngisamik sunniuteqarnerpaanissaat nammineersinnaalernissamullu piareersarneqarnissaat anguniagaavoq”, Martha Lund Olsen oqarpoq.

Suluppaluk septembarip ulluisa aappaanni nal. 13.00 Tuapannguit 62-imi, Martha Lund Olsenip qilerummik aappalaartumik qiorsineratigut ammaanersiorneqassaaq.

Paasisaqarnerujumagaanni uunga attaveqartoqarsinnaavoq:

Naja Hjersing Abelsen
Immikkoortortaqarfiup pisortaa
Ulloq unnuarlu paaqqinnittarfinnut immikkoortortaqarfik
Ilaqutariinnermut Inatsisinillu Atuutsitsinermut Naalakkersuisoqarfik
Oqarasuaat: 34 66 48
E-mail: naha@nanoq.gl