Imartatsinni aatsaat taama avaleraasartoortoqatigi-voq

Aalisariutit aalisagarujussuarnik qaqutigoorluinnartunik pisaqarsimapput. Nunatsinni aalisariutit 18-it missaanniittut Tunumi avaleraasartuut aggustip 28-ata tungaanut 65.149 tonsit pisarisimavaat. Misileraataasumik 100.000 tonsit pisassaapput.

Nunatta imartaani aatsaat taama amerlatigisunik avaleraasartuunik pisaqartigisoqarpoq.

Aalisariutit aalisakkanik nunatsinni siornatigut pisarineqanngisaannartunik tunfiskinik katillugit 21-nik maannamut pisaqarsimapput, anginersaat 260 kiilunik oqimaassuseqarluni.

Kalaallit Nunaanni Aalisarsinnaanermut Akuersissutinik Nakkutiliisoqarfiup kisitsisaatai naapertorlugit aggustip arfineq pingajuanniit 28-annut ullormut 400 tonsinit 2.000 tonsinut pisaqartoqartarpoq.

Siorna misileraalluni pisassiissutigineqartut 65.000 tonsiupput. 53.000 tonsit pisarineqarput.

Avaleraasartoorniarneq septembarip 19-ianni unitsinneqarpoq.

Attavigineqarsinnaasoq: Jørgen Isak Olsen, Naalakkersuisoqarfimmi pisortaq. E-mail: jio@nanoq.gl