Aleqa Hammond Nunat Avannarliit Killiit ataatsimiinneranni peqataassaaq

Naalakkersuisut Siulittaasuat Aleqa Hammond Nunat Avannarliit Killiit Siunnersuisoqatigiivisa ukiumoortumik ataatsimiinneranni ataasinngornermi 1. september 2014 peqataassaaq

Nunani Avannarlerni Killerni Islandimi, Nunatsinni Savalimmiunilu nunanut allanut tunngasunut akisussaasut ukioq manna Nunani Avannarlerni Killerni qinikkat Nunani Avannarlerni Killerni Siunnersuisoqatigiit ataasinngornermi 1. september Islandimi ataatsimiinneranni siullermeerlutik qaaqquneqarsimapput.

Qinikkat ataatsimeeqatigiinneranni oqaluuserisassat ilaatigut tassaapput, Nunat Avannarliit Killiit qanoq isillutik annertunerusumik aningaasaqarnikkut suleqatigiinnerusinnaanerullutillu niueqatigiinnerulersinnaanerat, aalisarnerup tungaatigut suleqatigiinnissami periarfissat annertusarneqarsinnaanerat kiisalu ilinniartitaanikkut suleqatigiissutaasinnaasutigut periarfissat.

Nunat pingasut naalakkersuisui ukiumoortumik ataatsimiinnermi Nunani Avannarlerni Killerni Siunnersuisoqatigiit inassuteqaataasa killiffiat pillugu ilisimatitsissapput. Taakkua ukiumoortumik ataatsimiinnermi suliarineqassapput.

Naalakkersuisut Siulittaasuata Aleqa Hammondip savalimmiormiut lagmandiat Kaj Leo Holm Johannesen islandimiullu nunanut allanut tunngasunut ministeriat Gunnar Bragi Sveinsson ataatsimiinnermi peqatigissavai.

Naalakkersuisut Siulittaasuata Nunani Avannarlerni Killerni ukiumoortumik ataatsimiinnermut peqataanerminut atatillugu islandimiut præsidentiat ataatsimeeqatigissavaa kiisalu Hoyvikkimi Siunnersuisoqatigiinni savalimmiormiut lagmandiannit islandimiullu nunanut allanut ministeriannit qaaqquneqarluni 2. september ataatsimiinnermi alaatsinaattutut peqataassalluni.

Attavissaq:
Nunanut allanut pisortaqarfimmi pisortaq Kai Holst Andersen
Toqq/direkte +299 345151/+45 40178293
kaoa@nanoq.gl