Narsami atuarfik nutarterneqassaaq

Narsami atuarfiup nutarternissaa allilernissaalu aallartinneqarsinnaanngorpoq.

Ilisimaneqartutut Narsami atuarfiup ilaa isaterneqarpoq ilaalu nutarterneqarnissaminut allilerneqarnissaminullu piareersarneqarluni.

Nuannaarutigalugu matumuuna nalunaarutigisinnaanngorpara sanaartorneq kikkunnit suliarineqassanersoq maanna isumaqatigiissutigineqartussanngormat.

Suliariumannittussarsiuussineq augustip 26-at 2014 pivoq tassanilu suliffeqarfiit tallimat neqerooruteqarput. Suliassanullu tamakkiisunut neqerooruteqartoq Permagreen Grønland A/S akikinnerpaamik neqerooruteqarpoq.

Assut naammagisimaarlugu maluginiarpara, sanaartornermik suliaqartut akornanni unammillerneq uummaarissoq pitsaasorlu ingerlanneqartoq. Naatsorsuutigaara Narsami atuarfik sanaartorneqarnermini pitsaassutsimigut takussutissaalluarumaartoq siunissami meerarpassuit iluaqutigalugulu nuannaarutigiligassaat.

Suliassap aallartinnissaa isumaqatigiissutip atsioreernerata kingorna pisinnaalissaaq.

Inussiarnersumik inuulluaqqusillunga

Siverth K. Heilmann