Nunavummi Inuit kattuffii Nunatsinnut tikeraassapput

Stemningsbillede af Indlandsisen

Inuit kattuffii Nunavut Tunngavik Inc (NTI) kiisalu Qikiqtani Inuit Association (QIA) Nunarput ulluni 19.-22. august 2014 tikeraassavaat.

NTI tassaavoq Nunavumi naggueqatigiit Inuit sinniisui naggueqatigiit Inuit Nunavummiittut aningaasaqarnikkut, inooqataanikkut kulturikkullu soqutigisaannik Nunavummi Nunamik Piginnittussaaneq pillugu Isumaqatigiissummi allassimasut naapertorlugit.

Qikiqtani Inuit Associationip (QIA-p) Qeqertaarlummiut Inuit 14.000it soqutigisaat sammisarai.

Tikeraat NTIp siulittaasuanit Cathy Towtongiemit kiisalu QIAp siulittaasuanit Larry Audlalummit siuttuuffigineqassapput.

Tikeraarnermi tikeraat ilaatigut Naalakkersuisut Siulittaasuat Aleqa Hammond, Aningaasaqarnermut Nunamullu Namminermut Naalakkersuisoq Vittus Qujaukitsoq, Inuussutissarsiornermut Aatsitassanullu Naalakkersuisoq Jens-Erik Kirkegaard aamma Peqqissutsimut Attaveqarnermullu Naalakkersuisoq Steen Lynge.

Tikeraarnermi siunertarineqartoq tassaavoq, Nunavut Nunattalu akornanni suleqatigiinnerup pioreersup nukittorsarneqarnissaa, Issittumi ineriartorneq aamma Inuit kulturiata siuarsarneqarnissaa.

Paasissutissanik sukumiinerusunik pissarsiniaraanni saaffigineqarsinnaasoq: Nick Bæk Heilmann. Oqarasuaat: 345148.