Kapisillip nalunaaqutaanik nassitsisoq akissarsissaaq

Aasiammiumut kapisillip nalunaaqutaanik nassitsisimasumut Aasianni kommunip allaffiani ataasinngorpat aggustip 18-ianni nalunaaqutaq aqqanermut akissarsitsisoqassaaq.

Akissarsissutigineqartussaq, Naalakkersuisuni ilaasortaq Finn Karlsen sinnerlugu, kommunalbestyrelsimit ilaasortamit Enok Sandgreenimit tunniunneqassaaq.

Kapisilimmut nalunaaqutsiunneqartartoq Tuluit Nunaanni kuummi River Ure Yorkshiremi 1975-mi meqqiliunneqarsimavoq.

Kapisillit nalunaaqutaat pisoqalisoorneq ajorput, qangalili ikkussaasimasinnaallutik.

Taamaattumik Aalisarnermut, Piniarnermut Nunalerinermullu Naalakkersuisoqarfimmit kaammattuutigiinnassavarput nalunaaquttat Pinngortitaleriffimmut nassiuttaqqullugit.

Kapisilinnik nalunaaqutsiisarnermut suliamut atatillugu NASCO-p sumiiffinni kommissioninit sisamaasunit immikkut 1.500 dollarsinik aningaasartalerlugu ukiumoortumik akissarsitsisoqartarpoq.

Nunatta Kitaani Kommissioni Canadameersunit, USA-meersunit, EU-meersunit nunatsinneersunillu ilaasortaqarpoq.

Kapisillit nalunaaqutserneqartarput kapisillit pisarineqartarnerat angalanerallu annerusumik ilisimasaqarfigilerniarlugit.

NASCO Frankrigip illoqarfiisa ilaanni Saint-Malomi ukiumoortumik ataatsimeersuarnerminut atatillugu meqqinik nassiunneqarsimasunik makitsivoq.

Attavigineqarsinnaavoq: Katrine Kærgaard, Departementet for Fiskeri, Fangst og Landbrug. E-mail: kake@nanoq.gl