Inuussutissaqarnermut ministerip Aleqa Hammond ataatsimeeqatigaa

Pingasunngorneq 13. august Naalakkersuisut Siulittaasuata Aleqa Hammondip danskit inuussutissaqarnermut ministeriat Dan Jørgensen ataatsimeeqatigaa.

Ataatsimeeqatigiinnermi qulequttat assigiinngitsut eqqartorneqarput.

Ilaatigut EU-mik suleqateqarneq, tassunga ilanngullugu puisit amiinik eqqusseqqusiunnaarnerup Inunnut atuutsinneqannginnera eqqartorneqarpoq. Taakkua saniatigut Ruslandip nioqqutissanik EU-meersunik eqqusseqqusiunnaarnera, maanna suli raajanik Nunatsinniit avammut tunisassiornermut sunniussimanngitsoq eqqartorneqarpoq.

Dan Jørgensen ataasinngormat Nunatsinnut tikippoq sisamanngorpallu 14. august angerlassalluni.

Dan Jørgensenip tikeraarnermini Aalisarnermut, Piniarnermut Nunalerinermullu Naalakkersuisoq Finn Karlsen kiisalu Pinngortitamut Avatangiisinullu Naalakkersuisoq Kim Kielsen ilaatigut aamma ataatsimeeqatigai.

Siuliani taaneqartut saniatigut inuussitissaqarnermut naalakkersuisup Pinngortitaleriffik aamma Royal Greenland pulaarpai.